«Дикача наьха клуб (КДЛ)» наха вахаре новкъостал лоаттаде вIашагIъелла я 2016 шера вай республике, иштта Нохчий Республикера, Къилбаседа ХIирий-Алания Республикера дехараш а тIаэц, цIий а цунна чудоагIараш а шоай лоIаме болаш дIачудалара. Цох новкъостал хургда тайп-тайпара лазараш долча берашта. Цо иштта таро йоацача фусамашкарча берашта, дукха дезал барашта дешара проекташ кхоачашъю.

Царна юкъе я:

1. «Тхо уллув да» цхьаьбола нах хьаллоацаш я. Цу проекта чудоагIаш ганза волонтёраш хIара кIира бокххий нах болча болх, эшаш хуле молхаш эц, иштта каст-каста цига дIа а бахе, кхетаченаш а ю.

2. «Баьццара лампа» таронаш йоацача фусамашкарча 7 шергара 16 шерга кхаччалца ха яьннача берашта лаьрхIа я, вахаре эша гIо цо.

3. «Халонаш тIехьайитар» халача вахара хьалашка нийсбенна кхалнах хьаллацара лаьрхIа я. Цунна чубоагIа заIапхой дола бераш кхоабаш бараш, цхьацца вахара холонаш нийсъенна, цхьаь бола ноаной.

4. «Чкъаьрийдуарг» таро йоацача фусамера, дукхача дезалера бераш дегIадоаладара, царна новкъостал лоаттадара я. Проекта керттера бахьан да - ганза чуйоагIаш меттаоттадара йола центр хьаеллар, ДЦП, ЗПР лазараш долча берий меттаотта таро хургйолаш, республикан арахьа дарбаш де цар аха безаргбоацаш.

5. «ЦIено-ах дин да» яха акци дIахьош я «Новкъостала кулг кховдаде» яхача дикача гIулакхий болама чуйоагIаш, из ганза дIаязбаь латтача таро йоацача дезала социальни новкъостал деш я. Цун новкъостала чудоагIаш да, цу тайпарча дезала эша цIенон а химе а гIирсаш эцар.

6. «Дикадар хилда шун цIагIа» яхача болама чудоагIаш да ганза волонтёраш, болхлой дIаязбаь латтача дезала новкъостал лоаттадар, из да кхачан даараш лоаттадар, иштта цар хьал довзар.

Натас яхачох, болх беча юкъа ганзе, барт болаш, дика тоаба вIашагIкхийттай. Цул совгIа, каст-каста кагирхой а волонтёраш а юкъебоагIаш латт цига, уж раьза ба шоай мукъа ха эшачунна новкъостал деш дIаяхьа.

Дукха ха йоацаш, Cелий мехка дIахьош хиннача « Малх хьежа берд» НКО кхетаче, дерригача дунен тIара дикача гIулакхий тоабай викалаш бар, цу даькъе ГIалгIайчера а.

«Цу тайпара кхетаченаш каст-каста дIахьош хиларо, тхона таро лу керда проекташ йовза, тхоашта ховш дар нахаца декъа», - аьлар Матенаькъан Натас.