ГӀалгӀай къаман
юкъара газет

Даби-Юртарча кашамех цаӀаш тоадаьд

На этапе завершения работы по реконструкции кладбища в сельском поселении Нижние Ачалуки. Это часть деятельности по благоустройству православных и мусульманских кладбищ республики проводит благотворительный фонд «Сафмар» предпринимателя Микаила Гуцериева.

Из болх чӀоагӀа раьза болаш тӀаийцар юртхоша. Уж кашамаш айеннача моттиге да, цудухьа цига бахар-бахкар чӀоагӀа хала дар наха. ХӀанз керда никъ цига Ӏобиллара юртахой чӀоагӀа раьза ба. ПаргӀатта шоай нах дӀабехка боахкача маьл кхайкабе баха таро я цар. Де лерхӀачох цхьа дакъа мара дац из. Болх дӀаболабаьб кхо бутт хьалха, хӀанз йистебоалаш а латт. Гонахьа карт яьй, машенаш Ӏооттае кхоъ моттиг тоаяьй, ламаза цӀа тоадаьд, цига эшаш йола гӀирс ийцаб. Болхлоша дика къахьийгад.

Гонахьара йокъаенна ягӀа кӀотаргаш дӀаяьхай. ХӀанз хьалхарча аргӀагӀах буц дӀахьакха лаьрхӀад, кӀезига сабар дича, цу юртара юхедиса кашамаш а тоадергда.

Деррига балхаш, юртхошца дагабоалаш, дӀадихьад. Из иштта нийсдалар; ГӀалгӀай Республика кулгалхочо Келаматанаькъан Махьмуд-Ӏаьлас, «Сафмар» яхача дикача гӀулакхий фонда кулгалхочо Гуцаранаькъан Микаила цхьана баьча бартах.

2023 шу чакхдалале республикера 40 кашамаш тоадергда. Царех 33 бусалба, 7 кераста наьха да. Юхедисараш тоадергда 2024 шера.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде