Долакоара бусалба наьха кашамаш тоадаь даьлар
Кашамаш тоаде таро хилар, «Сафмар» яха Гуцаранаькъан Микаила дикача гӀулакхий фонд бахьан долаш, цо ГӀалгӀайчен кашамаш тоадара новкъостал ду. Из проект кхоачашъеш я мехка Кулгалхочунца Келаматанаькъан Махьмуд-Ӏаьлаца цхьана, цо хьагойт мехка бахархошта из мел лоархӀаме да.
Цу тайпара тоадаь кашамаш, хӀанз хоза лостам баь да. 1500 метр йӀаьха аьшка карт яьй гонахьа, иштта керда коанаӀараш а егӀай. Укхаза иштта хьаяьй машенаш дӀаоттае моттиг, Ӏобиллаб керда никъ.
Цул совгӀа, кашамашта тӀабоагӀаш бола никъ а, асфальт билла, кердабаьккхаб. Юххьанца хьабе безаш хинна болх дукха бар; къона гаьнаш дӀайогӀаргара болабенна венна саг дӀаволла моттиг тоаярга кхаччалца. Проекта юкъедоагӀаш дар, архитектураца дувзаденна балхаш дарга кхаччалца бола гӀирс эцар. Моттигерча бахархоша дика зийра хинна хувцамаш, цар баркал оал Келаматанаькъан Махьмуд-Ӏаьланна, иштта Гуцаранаькъан Микаила.
Тоаде тӀаийцарех дар республикан 33 бусалба наьха, 7 кераста наьха кашамаш. Юхейиса моттигаш а кастлуш тоаяь йоахаргья.
