Путин Владимира тӏадилла декхар кхоачашде, Эккажкъонгий-Юртара урам тоабар дийцар
Видеоконференци дӏахьош Россе Президента Путин Владимира тӏадилла декхар кхоачашдеш, Эккажкъонгий-Юртара Арсанаькъан урам тоабарах дийцар. Ше гаьна волаш нах тӏаэцаш хилар, нахацара, балха цхьанкхетарашцара бувзам дӏабахьарах вола РФ Президента урхаллен кулгалхо Михеев Алексей, моттигерча оагӏорахьара Гӏалгӏайчен Паччахьалкхен Председатель Сластенин Владимир. Моттигерча вахархочо Шоанахой Гирихана, из урам тоабар дехаш даьча дехара ларах дӏахьош яр кхетаче.
«Сердало» газетага ма аллара, республикан Паччахьалкхено из урам тоабар 2027 шера «Шахьара дика хьалаш хьакхоллар» яхача федеральни проекта юкъедоаладаьд. Из чӏоагӏа дика хеташ хьаллаьцар цу юрта бахача наха, хӏана аьлча ерригроссийски онлайн-кхадж тоссача хана, из моттиг тоаяра шоай оаз дӏаелар 6 301 сага.
Из болх чакхбаргба 2027 шера, бекарга беттагара оагӏой беттага кхоачаш. Цу юкъа гӏишлонхоша тоаергья арахьара сердал, цига латтача тока бӏоагӏаш тӏа лампаш оттаеш, иштта гӏандаш оттадергда гӏашлошта салаӏа моттиг хьакхоллаш.
Из хаттар кхоачашдар Сластенина ший теркаме ийцад.
