«Классера кхетаченаш» яхача проекта хьаьша хилар, СВО доакъашхо волча Келиганаькъан Мухьмад-Баширах
12.09.2025 10:46
Долакха-Юртарча № 3 йолча ишкола дешархошца кхетаче дӏахьош хилар, СВО доакъашхо волаш лакха денал гойтарах, Жукова цӏерах йола майдилгаш еннача Келиганаькъан Мухьмад-Баширах. Из хоам «Сердалога» бир ишколера.
«Берашта вайзар взвода кулгалхочун гӏонча, цӏера ала беттача машиний батальона хьалха латташ, Украинерча тӏема аренашка ший цӏи йоаккхийташ хьавоагӏа мехкахо. Мухьмад-Башира берашта дийцар тӏема моттигашка лораде дезарех, вай къаман бӏухоша цига гойтача майралах, ший тӏема наькъах. Бӏухочо мел дийцачунга ладувгӏаш дагӏача берий дукха хаттараш дар.
Даьхен визза воӏ волаш дӏачакхвала малагӏча тайпара оамалаш хила еза, дийцар кхувш латтарашта тӏема никъ дика бовзаш волча бӏухочо», - йоах тха газетага бенача хоамо.
