Эллиний-румий оалача латарах белгалбаьлар вай кагирхой
20.11.2023 09:57
Каспийске дӀадихьача эллиний-румий оалача ерригача Россе моттигаш чулоацаш хиннача латарах белгалбаьлар вай мехкара спортсменаш. Из хоам «Сердало» газетага бир цу латарах йолча республикерча федераце.
«Вай республика цига гойташ хиннараш «Ади-Ахьмад» яхача спортивни клубера спортсменаш бар. Кагирхой Ӏомабеш вола Хамхой Ислам вахавар царца. 2006-ча, 2007-ча шерашкарча кагирхошта юкъе Бузуртанаькъан Мухьмада (57), Къоастой Асланбека(48), Оздой Ӏумара (51) боарза майдилгаш яьхар», - йоах тхога бенача хоамо. СССР спорте цӀихеза хиннача Абакаров Мухьмада хетаяь яр уж яхьаш.
Белгалде деза, дувцаш дола латар вай мехкарча кагирхошта юкъе дикка даьржа долга.
