Цунна тешал ду карарча шера аьтинга бетта юххье «Сердало» газето 100 сага юкъе дIабихьача хоаттамо.

30% хиллал болча наха белгалдир, шоаш е Iаьдала балха е кхыча гIулакха машенаца арабоалаш хилча, пхиъ-итт минот хьалха арабоал, аьнна. Цо таро хулийт дукхача машенашта юкъе нийслуш, уж дIаяха яларга хьежаш ха йоаеш дола хьал аттача даккха.

15% водителаш, цу юкъе цанийсбалар духьа, кхыча наькъагахьа дIаласт.

Цу дерригне а керттера бахьан да, вай республике машенаш лела наькъаш тоадеш латташ хилар, иштта водителаша машенаш нийса цалелаяр, ца йоагIача моттиге уж сецаеш хилар, наькъаш дика цахилар.

Хаттарашта жоп луш хиннача дукхагIча нахага ладийгIача, уж мо йола моттигаш нийслуш хул дукхагIча даькъе базарашта юхе, йоккхий тикаш йолча, юрташка готтига наькъаш долча.

40% хиллал болча наха белгалдир ГИБДД болхлой цу тайпарча моттигашка латташ хилар дикача оагIорахьа Iаткъаш да, аьнна, хIана аьлча хьаIайна машенаш сиха дIа-юха йоал цу болхлой новкъосталца.