Кхетам лакхбеш дола ловзараш дезаш ба, вай мехкара 40% гаргга нах
02.02.2024 11:32
Шашкех, жӀакех ловзаш, хоза хеташ ба вай мехкара 40% бахархой. Из оаха техкар, 100 сагага хоаттам беш.
«Каст-каста жӀакех, шашкех ловзаш; дикка кхетам лакхбе, дикагӀа уйла е вӀаштӀехьадоал. Ма дарра аьлча, сага хьаьга дикагӀа болх байташ дола ловзараш да уж», - дийцар Эккажкъонгий-Юртарча вахархочо.
35% нах царех шоай цӀагӀа ловза ловш ба, хӀаьта, 30% нах балха ловз царех, паргӀата ха нийсъелча. 40% бахархоша цу ловзарашца шоашта салоӀам бу компютерашка, смартфонашка гӀолла.
20% наха белгалдаьчох, моллагӀа саг ший хьаьво дикагӀа болх бергбар леладеш хила веза.
