Дийнахьа массехказа шекар дуачул дикагIа да, цун метталехьа, дегIа дарбане дола модз, желудка, кишечника дика бола бокъабаь сомаш, варени юаш хилча аьнна хет бахархошта.

Хоаттам дIабихьачарна юкъе дукха бар, тIехьарча хана, шекара тIатехача маьхаша сатем боабаьраш. Кхы а мах айбалар кхераш, сихбенна, шекара галеш дIаоттадир цар.

Цу гIулакхо хьахьокх, из мерза даар доацаш ца мегараш, вайна юкъе дукха болга. Эксперташа яхачох, укх шера, вай мехка ялх миллион тоннага кхоачаш шекара бурак хила тарлу. Мерза бурак чуэцаро из гIулакх иштта хьахьокхе, шекара моттиг дикка тоалургья вайцига.