ХIама даар боараме леладара тIехьа ба республикера 75% бахархой
Тоабенна нах тIехьарча хана дукха баьржабале а, вай республикера 75% бахархой хIама даара гIулакх боаггIача боараме леладара тIехьа ба. Из гучадаьккхар, 100 сагага хоаттам беш, оаха дIабихьача балхо.
«Тахан дуача хIаман боарам лорабе атта дац, хIана аьлча гонахьа дукха да чам бола даараш. ХIаьта а, из гIулакх лораде гIерт со, «марта - мук – пхьор» дуаш, совлендар дIатотташ», - аьлар цхьан вахархочо.
90% наха дийцар, боарам лорабеш хIама дуаш, спортаца бувзам лоаттабеш, болх беш дола вахар дIахьу шоаш, яхаш. 15% бахархошта хала да сарахьа хIама ца дуаш Iе, мерзача кхачанцара безам хувца.
65% наха яхачох, боарам лелабеш, хIама дуаш хиларо дегIа могашал лораю. ДукхагIа мел болча бахархоша белгалдир; вай къаман дулхацара даараш эггара чамегIа, дикагIа да дегIа, аьнна.
