ОВЗ долча 800 бера совгӀа дарба дир ГӀалгӀай мехка
2024 шера ГӀалгӀайчен могашал меттаоттаяра йолча Республикан центре 43 эзар совгӀа лорий хьалаш лоаттадир 800 совгӀа могашал яйнача бера.
Центра говзанчаша вахара хьалаш лоаттаду берашта могашал меттаоттаяра, уж ба дукхагӀча даькъе ЦНС дувзаденна лазараш дараш, иштта доагадаь е човнаш яь хиларах лазар гаьнадаьннараш. Могашал меттаоттаяра чудоагӀаш да: профессиональни-къахьегама кийчонгара, физкультурно-меттаоттабара хьалашка кхаччалца.
Карарча шера хьаелларгья таханарча заман гӀирсаш чудолаш, эрготерапия еш йола керда кабинет, иштта лаьрхӀад хица, сердалца дарба деш йола аппараташ оттае.
«Меттаоттадара центро лоархӀаме дакъа дӀалоац цар вахаре, царна лорий новкъостал лоаттадеш, психологически оагӀонца уж хьаллоацаш. Из болх даим мехка Паччахьалкхен теркама юкъе хургба», - аьлар ГӀалгӀайчен Кулгалхочо Келаматанаькъан Махьмуд-Ӏаьлас.
