ГӀалгӀайчен кхо эзар совгӀа дезала кхачан даараш лургда
ГӀалгӀай мехка дӀайолаеннай сагӀа доаккхаш йола моттигаш, уж дӀаяхьар хьалхадаьккхадар республикан кулгалхочо Келматанаькъан Махьмуд-Ӏаьлас. РФ сенатора Хамченаькъан Билана, «ГӀалгӀайчен Йоккха Беш» яхача агропредприяте хьал а лоацаш, кхо эзар совгӀа дезалашта кхачан продукташ лургья.
Из гӀулакх дӀадоладир беза Мархий бутт хиларца дувзаденна, из дукхагӀча даькъе СВО бейнача бӀухой, бокъонаш лораерий органий болхлой дезалашта, иштта СВО бӀухошта лаьрхӀа сагӀа да. Цул совгӀа из новкъостал де лаьрхӀад заӀапхошта, къоаношта, бахачара бехача наха.
Белгалде деза, иштта сагӀа юкъебоагӀаш хилар Пригородни кхален бахархой, цох аьлар ГӀалгӀайчен премьер-министра Сластенин Владимира, ше «Йоккха Беш» яхача агропредприяте волаш.
«Тхона гу вахара бехктокхам хилар бизнесе. Бизнес ахча даь Ӏац, цо новкъостал ду таро йоацарашта, СВО доакъашхошта, кхыча наха. Оаха юха а баркал оал бизнес лелаерашта», - белагалдир Сластенина.
