«Дикал йолаш а сиха дӀахьош а да, Шолжа хин тӀагӀолла тилла тӀий тоадара балхаш. «Кхерамзлен дикал йола наькъаш» яха къаман проект кхоачашъеш, Илдарха-ГӀала яхача шахьаре «Боккха никъ «Кавказ»-Илдарха-ГӀала-Юкъера Ачалкхе-ГӀайрбика-Юрт» машиннаькъаш хотташ дола тӀий тоадара балхаш дикача боараме дӀахьош да, йоах хоамо.

ТӀий 500 метр дӀаьха да, 15 метр шера а да. Автотранспорта лаьрхӀа ши оагӀув я 3,5 метр хӀараяр шера а йолаш, из доацаш, гӀашлошта лаьрхӀа цхьацца метр йолаш, ши оагӀув а я.