БӀарг тӀаотташ, хоза хургда ЖӀайрахьара культуран цӀа
06.03.2024 10:44
Ерригача лоаман моттига сибат доаккхаш хургда, ЖӀайрахье хьалдеш латта культуран цӀа. «Культура» яхача къаман проектага гӀолла, РФ Президента соцамца дӀахьош болх ба из. Из хоам «Сердало» газетага бир республикерча паччахьалкхено.
«Бетона пенаш урагӀдихьа, лакхера моттиг чӀоагӀъеш боахк болхлой тахан. ГӀишлон балхаш деш йола «Прогресс» яха OOO я из болх шийна дӀатӀаийцар», - йоах тхогарча хоамо.
Белгалде деза, тӀехьарча шерашка лоаман юрташка дикка хувцамаш хиннилга. Керда, хоза ишколаш, дарбанчеш хьалъяьй, наькъаш тоадеш боккха болх дӀабихьаб. Цу мугӀарера балхаш мехка ше-ший аргӀагӀа дӀахо а дӀахьош хургда.
