«Хьалдоалаш латта седкъий» яхача фестивале, белгалбаьлар вай латархой
19.02.2024 10:24
ХIара шера дIакхухьача эллиной-румий латарах йолча «Хьалдоалаш латта седкъий» яхача фестивале дакъа лаьцача «Ади Ахмад» яхача клуба доакъашхоша йиъ майдилг ера вай республиканна. Из хоам «Сердало» газетага бир цу спорта гIулакхех йолча федераце.
«Санкт-Петербурге гулвелар Россе тайп-тайпарча миIингашкара 300 совгIа латархо. Вай республикера цига вахача ялхнена юкъера виъ сага майдилгаш елар.
42 кийла дозал долчарна юкъе котало яьккхар Келаматанаькъан Хьамзата, шийца латаш хинначунгара 8:0 совле йоаккхаш. УмаевгIар Русланага а кхаьчар дошо майдилг.
32 кийла дозал дарашта юкъе дотув даьккхар Мейренаькъан Ахьмада. Латархошца цига ваха хиннар вар тренер вола Хамхой Ислам», - хоам бу тха газетага.
