Вай спортсменаша Селашкахьа хьалхале къайсача а чемпионате а 12 майдилг яьккхар
ГӀалгӀайчен спортсменаш 12 майдилг яьккхар (ММА) вӀашагӀъийнача латара къовсамашка, Къилбаседа Кавказа федеральни даькъ тӀа дӀахьош хиннача Хьалхале йоаккхача а Чемпионате а, яхаш, хоам бу «Серадало» газетага ГӀалгӀай Республикан спорта, физически культуран министерстве.
«Тушола бетта 4-ча денгара 6-ча денга кхаччалца, Селий шахьаре Каспийске яхьеваьлар Къилбаседа Кавказа тайп-тайпарча моттигшкара 200 спортсмен.
Шоашца къовсабеннараш толашагӀбараш бар аьнна доацаш, ГӀалгӀайчен спортсменаша хьалхара моттиг яьккхар. Цига котбаьннарашта юкъе хилар 93 кг дозал дола Малсаганаькъан Мухьмад, Хамхой Адам (52 кг), Хьулахой Юсуф (66 кг).
Дото совгӀаташ даьхар Куштанаькъан Адама (61кг), Дзейтанаькъан Апте (93 кг), Кхиренаькъан Кхире (66 кг).
Патанаькъан Заура, ЧӀемхьилганаькъан Улана (61 кг), Иленаькъан Ясира (70 кг), Эккажанаькъан Жабраила (77 кг), Дудургов Рамазана (77 кг), Иленаькъан Аюпа (52 кг) кхоалагӀа моттигаш яьхар», - йоах хоамо.
Белгалду, маьтсела бутт чакхбоалаш, дошо майдилгаш яьхараш Россе Нижни Новгороде гӀоргба, яхьашка дакъа лаца.
