Ленинградски областе латаш хилар вай мехкахой
07.11.2023 09:57
Къамий цхьоагIон денна хетаяьча, ший лоIамагIа долча латарах йолча йийллача яхье вай мехкарча кагирхоша ялх майдилг яьккхар. Из хоам «Сердало» газетага бу республикерча спорта федераце. «Укх бетта 3-ча, 4-ча деношка дIайихьача яхье котало яьккхараш ба Томбенаькъан Абдуллах, ПхьугIой ИсмаIал, Лаьнанаькъан Iаьла.
Дотув даьккхар Дзовранаькъан Рахьима. Борза майдилгаш ГIаьнтамаранаькъан Альбертага, Колой Хьамзатага кхаьчар. Цу кагирхошца болх беш бола хьехамчаш ба Борзинаькъан Ахьмад, Гаьгенаькъан Рамзан, Гаьгенаькъан Адам. Россе тайп-тайпарча моттигашкара гулбеннача спортсменашта юкъе белгалбаьннарашта дала оттадир Казавов яхача вежарий совгIаташ», - дийцар тхога вайцигарча спорта доал дераша.
