СКФО яхьашка дотув даьккхар вай мехкахочо
05.02.2024 14:12
Сибрен федеральни куран тӀа дӀайихьача эллиной-румий латар оалача яхьашка дотув даьккхар вай мехкарча «Ади Ахмад» яхача клуба доакъашхочо. 21 шерга кхачанза бола кагирхой чулоацаш, яхьаш яр уж. Из хоам «Сердало» газетага бир цу спорта оагӀон федераце зарбан болх лелабераша.
«ЦӀихезача РСФСР тренера Храмцов Фёдора хетаяь яр уж яхьаш. РФ 10 моттигера 166 спортсмен венавар цига. Вай мехкара вахача Янданаькъан Мурада 55 кийла дозал дарашта юкъе шоллагӀа моттиг яьккхар цига», - дийцар тха газетага «Ади Ахмад» яхача клуба доакъашхоша.
Ер бутт йистебоалаш, Россе дӀахьоргйолча йоккхача яхьашка дакъа лоацаш хургва вай мехкахо.
