Латве котваьлар вайцигара футболист
13.11.2023 10:11
Латве чемпионата лакхарча лиге 36-гӀа тур йистеяьлар ГӀалгӀайчен спортсмен толаш хулаш, цунна Латве чемпионате котваьннар, аьнна, цӀи елар, яхаш, дувц ГӀалгӀай Республикан спорта министерствос «Сердало» газетага.
«Мархенаькъан Адам ловзаш хилар полузащитник волаш «РФШ» команде. Цул хьалха спортсменаша «Метта/ЛУ» яхача футбольни командаца матч дӀайихьар, цига чот хилар 1:0 вайгахьа пайда болаш, ловзар йистедала 13 минот йисача хана, гол чуяккхарах. Цу тайпара, ГӀалгӀайчен команда Латве шозза чемпион хилар», - йоах хоамо.
Белгалду, хьалхагӀа «РФШ» команданна юкъе волаш, Латве кубке дото совгӀат даьккхадар вай мехкахочо. Мархенаькъан Адама спортивни никъ дӀаболабаьбар Юрмалерча «Спартаке», хӀаьта «РФШ» юкъе из венав карарча шера саькура бетта.
