ГӀалгӀай мехка ялх шера 11% хоржамхой тӀакхийттаб
13.03.2024 11:35
ГӀалгӀайчен хоржамхой ялх шера 11% дукхагӀа хиннаб; уж ба, 2024 шера наджгоанцхой бетта цхьоалагӀча денга кхоачаш, 246 177 саг, яхаш, дийцар ший телеграм-каналага гӀолла ГӀалгӀай Республикан Кулгалхочо Келаматанаькъан Махьмуд-Ӏаьлас, Российски Федераце Президент хоржаш хилар исторически лоархӀаме долга белгал а деш.
«Массехк ди кхы даьлча, вайна хьалхашка отт лоархӀаме декхар. ХӀаравар хьава веза кхадж тоссача даькъ тӀа, эггара чӀоагӀагӀа наха лоархӀаш волча, тешамегӀа волча кандидата тӀехьа ший оаз дӀаялара», - аьлар Макшарипа Махьмуд-Ӏаьлас.
Республикан Кулгалхочо иштта белгалдир, ГӀалгӀай мехка хоржамашта яь кийчо, хоржамий законо дӀадеххача беса хилар.
