1986-ча шерарча гуйран тӀехьарча бетта 25-ча дийнахьа Шолжа ГӀалий тӀа ваьв Банхай Берс. ЦУРа болх бовзаш, кхетабеш ва из. 2020-ча шера денз, республиканна доал дарах йолча моттиге методолог волаш, къахьегаш хьавоагӀа из. 2023- 2025-ча шерашка ЦУР кулгалхочун гӀонча волаш, Свердловски областе дӀахохьу цо ший болх.

Тахан ший мехка накъавоалаш, декхараш кхоачашде кийча ва из. 2007-ча шера «экономика» яхача гӀулакхах гуманитарни академи яьккхай цо. Итт шера, 2008-ча шергара 2018-ча шерга кхаччалца, рузкъанца бувзабенна болх шаьрбеш къахьийгад цо.