Бахархошкара ЦУРе тӏалатта дехараш дукхагӏа хилар дӏадахача кӏира
ЦУРе тӏалатта дехараш дӏадахача кӏира дукхагӏа хилар – 99, хьалха хиннача боарамга хьежача, 13, 8%-га кхоачаш лакхагӏа хул из. Бахархой цу оагӏонцара тешам айбеннилга, иштта вахарера кхоачамбоацараш а дукхагӏа хиннилга да ала йиш я цох.
Массахана санна, вахарерча лоархӏамедарашца цхьацца эшам хилар да хоалуш. Эггара дукхагӏа дола хаттараш ЖКХ дувзаденна да, (15), юкъерча боарам тӏара 51, 5% хул из. Хий боаггӏача боараме ца хиларо сатем боабаь бар бахархой.
Шоллагӏча моттиге отт тока оагӏонца дувзаденнараш – 17 (17,2%). Ток хила езача беса цахилар, тока саьргаш тишденна хилар, иштта ток дӏайоаяр къувлаш бар нах. Кхоалагӏча моттиге отт цхьацца моттигаш, ковнаш, арара лампаш тоае езаш хилар – 8, (8,1%).
Дукхагӏа дола хаттараш шахьарашкара тӏалатташ дар. Эггара хьалхарча моттиге эттар Наьсаре, 48 дехар дар ЦУРе цигара кхаьчараш, ма дарра аьлча, кӏира хиннача дехарашта юкъера нийсса ахаш. Шоллагӏча моттиге отт Магас – 13, (13,1%).
Бахархошкара хинна деррига дехараш шо-шоай оагӏонашцарча моттигашка дӏа-хьа хьожадир ЦУРа болхлоша.
