Дерригача дунен кагирхой фестивале дакъа лоацаш ба, вай мехкара викалаш
«Дерригача дунен кагирхой фестиваль - 2024» яхача кхетачен доакъашхошта лаьрхIа йола программа болх бе дIайолалургья тахан. Цига дакъа лоацаш ба вай мехкара викалаш а. Хьалхарча аргIагIа кхоачашде дезарех чакхбоалаш ба уж карарча хана. Из хоам тха «Сердало» газетага бир цигарча болхлоша.
«Бейдж, фестивала доакъашхой гIирс хьабийкъача, кагирхоtх бизза доакъашхой хургба. «Гастросцена», «Дунен кагирхой болабалар», Гуржий мехкара баьхкача викалашца къамаьл дар да царга хьежаш. Иштта мехкадаьца Келаматанаькъан Махьмуд-Iаьлаца кхетаче хургья цар», - дийцар тхога кагирхой гIулакхех йолча комитета болхлоша.
«Alpha Sirius» яхача хьаьший цIен шоллагIча гIишлон чу Iеш я 54 сагах латта тоаба. Царна мел эшар Iалашдеш, кийчо яьй цига. «Сириус» яхача федеральни доазон тIа укх тIехьарча шин дийнахьа гулденнар 180 мехкара 20 эзар совгIа адам да.
