ГӀалгӀай къаман
юкъара газет

ГӀалгӀайчен викалаш дакъа лоацаш ба, СКФО музейшта лаьрхӀача семинаре

ГӀалгӀай Республикан исбахьален искусствай Паччахьалкхен музея болхлой Къилбаседа Кавказа федеральни даькъ тӀарча музейшта лаьрхӀа дӀахьоча методически семинаре дакъа лоацаш ба, яхаш, хоам бу «Сердало» газетага музея зарбан болх лелабераша.

«Укх деношка, Железноводск-Шахьара Пускепалис С. цӀерагӀча культуран цӀагӀа, дӀахьош я из кхетаче. Укхаза гулвелар СКФО музейшкара 100 болхло. ГӀалгӀайчера викал я ИЗО музея балхаш лорадара даькъ тӀара керттера болхло Хамхой Мадина, шийца искусствовед КӀориганаькъан Бахьаудин а волаш. Семинар дӀахьош, из болх вӀашагӀбеллараша вай мехка музейс беча балха лакха мах бир», - йоах хоамо.

Белгалду, кхетаче дӀаяхьа дагадехар яр Россе культуран министерство, из дувзаденна дар долашдар лорадара, мах баь варгвоацаш еза йола экспонаташ лораяра болча балха нийслуш дола хаттараш дувцарца а уж кхоачашдарца а.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде