Республика юртбоахама Министерства пресс-служба, «Сердало» газетага баьча хоамах, цу форуме дакъалоацаш вайцигара хургва, юртбоахама министра гIонча декхараш кхоачашдеш вола Келиганаькъан Илез, ГIалгIай Республика АККОРИ кулгалхо Овшанаькъан Махьмад-Гири, КФХ кулгалхо Iалбаканаькъан Мовсар. Керттера дувца оттадаь дош да, — «Боахам лелабар-дегIабоалабар, цунах пайда эцар».

АККОР президента Плотников Владимира белгалдаьча бесса, зIамига боахамаш дегIадоаладара, дукхагIа терко тIаяхийта еза. «Единая Россия» парте Халкъа программа маьхалъяккха еза, цу тIехьа толамаш дахар, юртбоахам дегIабоалабара, ца хилча даргдоацар долга кхета а деш.

Иштта, съезде дакъалоацаш хила тарлу РФ Правительства доакъашхой, мехка юртбоахама Министерства кулгалхой, Паччахьалкхен Дума депутаташ, Фракце Сенатораш, АПК моттигерча органий, субъектий кулгалхой, иштта Iилмай юкъарлений викалаш.