Наьсаре гӏишлон даькъ тӏа саг валарах дола гӏулакх дӏадахьийтар суде
09.07.2026 11:16
Наьсарен суда хьалхашка оттаргва моттигерча цхьан гӏишлон фирман даькъ тӏара кулгалхо, ше бахьан долаш саг валарах.
Россе СК Наьсарен-Шахьаре гӏолла долча Тохкама даькъо из гӏулакх техка чакхдаьккхар. Кулгалхочун бехк бу РФ УК 2 д. 109 ст. (ший профессиональни декхараш лерттӏа кхоачашцадарах саг валар бахьан).
«Тохкамо яхачох, карарча шера маьтсела бетта 17-ча дийнахьа, Наьсарерча производственни цеха даькъ тӏа, коммерчески моттигерча гӏишлон кулгалхочо ший балха декхараш доагӏача беса кхоачашцадарах аьшка гӏирсаш хаьрцар, цига лозавир республикан 39 шу даьнна вахархо. Хиннача човнах, сихача новкъостала лорий тоаба хьакхачалехь, из велар», - аьлар «Сердало» газетага Гӏалгӏайчен Тохкама комитете.
