ГӀалгӀай къаман
юкъара газет

Кердадараш

«Росси» яхача халкъашта юкъерча гулламе, ГӀалгӀайчен ди тӀабоагӀача бетта 8-ча дийнахьа хургда

ВДНХ дӀахьоргйолча «Росси» яхача халкъашта юкъерча гулламе, ГӀалгӀайчен ди оагӀой (декабрь) бетта 8-ча дийнахьа дӀадахьа лерхӀ. Боккхача гойтамо ший болх укх бетта 4-ча дийнахьа дӀахьоргба. Из хоам «Сердало» газетага бу мехка паччахьалкхено.

«Гойтаме кийчъяьча ГӀалгӀайчен стендага хьежар тахан паччахьалкхен кулгал деш вола Сластенин Владимир. Цу гӀулакха кийчо яр мишта дӀадода хьежар из», - белгалдир цунца болх беча наха. Вай мехкара яхача тоабо цхьацца хӀамаш довзийтаргда, туризм йоаржаярах йола лекцеш, иштта истола гонахьа гулбенна кхетачеш ергья. Республикан йоккха проекташ йовзаргья гулбеннарашта: «РИАК» яха кӀалах хӀамаш хьаю завод, «Сунжа» яха агрокомбинат, ООО «Беш-Гигант ГӀалгӀайче». Цул совгӀа, Россе тайп-тайпарча миӀингашкара гулбеннача наха довзаргда вай Ӏадаташ, тхьовра денз къамо хьадахьараш, гӀалгӀай къаман бе-бе гӀулакхаш. Гойтаме-гулламе дакъа лоацаш хургья Россе 89 моттиг. ХӀаране ший къаман гӀулакх, кхоане йовзийтаргья цига.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде