Керттерча режиссера, Хадзенаькъан Лейлас, документальни ларда тIа оттаяьча спектакло хьагойт, гIалгIай къаман йиIий вахарах а яларах а лаьца дувцар, из ГIалгIайчен меттал берригача мехка исторе оагIонаш тIа хиларах, цо ший са ца кходеш, кортамукъле бахьан долаш къахьегарах. Аьсет хинна а ца Iеш, сцена тIа бахаш хул цунна беррига цIенъюкъера дезал, дукхагIча даькъе уж ба кхалнах. Тхона ховчох, Тутайнаькъан дезале духхьала йиIигаш хиннай, дале а мишта хиннай уж!

Цу фусаме цхьа маIсаг хиннав цар да, из духхьала да хинна Iийнавац, цо дукха масалаш гойташ хиннад ший вахаре. Массехк шу дIадаьнначул тIехьагIа театра актераша юхаметтаоттаду цу шерашка хиннар. Безам бараш хьажа йиш йолаш ба 7-ча 10-ча деношка маьтсела бетта, къонача хьажархочун Театра сцена тIа, кхоллама коллективо, цIаькхаза а кердадаьккхача исторе суртага. Из хIама дицде йиш йолаш а дац!