«Нива» яха машен йигийтар вайцигарча депутата, СВО бӀухошта лаьрхӀа
20.11.2023 13:45
Донбассе дӀахьоча тӀема операцен лаьрхӀа, миччахьа гӀолла чакхйоалаш йола «Нива» яха машен елар Паччахьалкхен Думан депутат волча Татренаькъан Муслима. ТӀема доакъашхоша йийхаяр из машен, дукха ха йоацаш хиннача къамаьла юкъе.
«Коталон ди гаргакхоачийташ, воашта могачох гӀо деш хила деза вай цу наха», - аьлар депутата. Татринаькъан Муслим массахана царна гӀо деш хьавоагӀа. ТӀадувха барзкъаш, коптераш, бус сердал тела хӀамаш, спутникови телефонаш, кхача, иштта кхыдараш а кхахьийтад цо цу бӀухошта. Лозабаьраш болча вахе, дарбанчешка хул депутат.
