Госдума депутата гIо дарца, тренингаш дIайихьар перинатальни кхуврче
Медики Республиканского перинатального центра поблагодарили Бекхана Барахоева за помощь в организации тренингов по реанимации новорожденных, информировал газету «Сердало» помощник народного избранника.
«Пхе дийнахьа лаьттар Назране, перинатальни кхуврчерча лорашта хетаяь семинараш, тренингаш. Вай лораш Iомабе баьхкараш бар, Кулакова цIерах болча акушерствахи, гинекологехи болча къаман унахцIенон тохкама кхуврчера говзанчаш. Вайцига уж хьабахкар вIашагIделлар, царна гIо даьр ва Госдума депутат вола БIархой Бекхан», — йоах хоаме.
ДIабихьача белха юкъе эггара лоархIамегIа йола моттиг дIалаьцар, хIетта хьадаьча берашта де дезача гIулакхо. Депутата баркал оалаш, перинатальни кхуврча кулгалхо йолча Хутенаькъан Мадинас яздаьча каьхата тIа йоах, шоай белхацара кхетам лакхбеш семинаре дакъа лаьцараш 349 лор ва. Уж ба: акушераш-гинекологаш, лораш-неонатологаш, анестезиологаш-реаниматологаш, акушеркаш, лорий йижарий.
БIархой Бекхана белгалдир, тахан, берийи, ноанои могашал лораяр, лакхе латтача хьакимай керттера гIулакх хила деза аьнна. Ший телеграм-канале гIолла, докха баркал аьлар цо вай лорашта, даькъала бувцаш хоза ловцаш даьхар, цар гIо дарца, дуккхача дезале унахцIена бераш кхувш хиларах.
