Парламента депутат ваха хилар, шоай лоӀамах амал дераш болча
Халкъа Гуллама депутат Олганаькъан Бадрудин ваха хилар, Наьсарерча контрактах тӀема гӀулакх дераш хоржача моттиге, яхаш, дийцар ГӀалгӀай Республикан парламенте.
«Контрактах амал дар Россе герзашцарча низашка тӀехь-тӀехьагӀа дукхагӀа чӀоагӀлуш доагӀа, цун бахьан да, мехка а паччахьалкхен а оагӀорахьара вахаре эша новкъостал деш хилар», - аьлар Олганаькъанчо, цу даькъ тӀа беча балха мах беш.
Цо белгалдир, из да хьамсара Даьхе лораяра декхар цар бехктокхаме тӀаийца хилар, кагирхой сакхетам лакха хилар, аьнна. Моттигерча даькъ тӀа из болх дӀа мишта бода хьажа вахача депутата къамаьл хилар цигарча кулгалхошца, хургболча бӀухошца.
Кхетаче дӀахьош белгалдир, 2023 шера Россе герзашцарча низий министерствоца вай мехкарча 600 сага контракт чӀоагӀъяь хилар.
Карарча хана, республике дӀахьош ба кхувш йоагӀача тӀехьен Даьхенцара безам совбоаккха кхетам балара болх.
Цо таро хулийтаргья, бехктокхаме а болаш, шоай хьамсара Даьхе лораяра кийча болаш, нах кхебе.
