Эшача хIаман новкъостал де Росси кийча хиларах хоам бир цо. «Шийна хилча санна, хала да из хIара бусалба сага! ГIалгIай республикан къаман гуллама депутаташкара кодам бувц оаха цу унзарча хатаро сагото мел енарашка. Лозабаьрашта Даьлагара моаршал дехаш, дуIаш дергда оаха. Вай дерригаш а Дала хьакхелла да, дерригаш а.

Из волча юхадерза дезаш а да! Дала сабар лулда бисарашта, из доккха во денарашта гIо де оарцагIбаьннарашта! Дала гешт долда вахар хаьдача вай бусалба вежарашта! Дала, къахетам баь, тIаийцарех хилба уж!» — аьлар къаман гулламá хьалха латтача ТIумхой Мухьмада.

Сире веннар 326 саг ва, лозаваьраш — 1042 саг. Турце дIакхелхараш 1 014 сагага кхоач, лозабаьраш — 5 385. Дала сатоха низ лулба вайна массанена!