ГӀалгӀай къаман
юкъара газет

Кердадараш

ГӀалгӀайчен парламента депутаташ бахар, СВО байнача бIухой дезал болча  

СВО дакъа лоацаш байнача бIухой Къоастой Рамзана, Чопанаькъан Мусай, Ховтанаькъан Беслана дезал болча бахар парламента депутаташ Ӏарпенаькъан Ӏалихан, Лаьнанаькъан Амир, яхаш, хоам бир «Сердало» газетага ГӀалгӀай Республикан Халкъа Гулламе.

«Ефрейтор Ховтанаькъан Беслан хиннав разведроте, из велар 2022 шера тов бетта. Цу хана, Украинерча Запорожски областа Нестерянка яхача юрта, артиллереца тӀом беш, тӀатеӀа хиннав моастагӀа. Цун фусам-нана, цхьа бер дар.

Юртхой Къоастой Рамзан, Чопанаькъан Муса сий долаш байра, шоашта хьалхашка лаьтта тӀема декхар кхоачашдеш, шоай Даьхе бахьан долаш, вай кхоане сийрда хилийтара, наха кхерамзле, паргӀато яккхара тӀехьа болаш, са Ӏодиллар цар цу тӀем тӀа», - йоах хоамо.

Депутаташа къаьстта теркам тӀабахийтар цу фусамашка дагадоахкаш долча хаттарашта, дег чура баркал аьлар царна, уж сатохалуш хиларах, цар мехка мутӀахьа болаш дезал кхебарах.

«ХӀара бӀухочун хьалхашка тхо декхарийла да, цар дезала йоакхо е. Уж ба Россе хьашташ кхоачашдеш, шоай са ца кходеш, моастагӀчунна духьаллаттараш, цу лирача тӀем тӀа денал, майрал гойташ бола турпалхой»,-аьлар депутаташа.

 

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде