ГIалгIайчен Парламента депутаташа, республике къаьнара ишкол тоаяра, новкъосталдергда
Заместитель Председателя Народного Собрания РИ Аза Хашиева и депутат Ахмед Дидигов, выполняя обещание, данное в ходе предвыборной кампании, недавно посетили Плиевскую среднюю школу № 1. Сопровождали депутатов главный специалист отдела целевых программ Министерства образования и науки РИ Ильяс Долаков и и. о. заместителя главы Администрации Назрановского района Апти Котиков. Пришли они с замечательным подарком, депутаты подарили учебному заведению музыкальное оборудование для проведения школьных мероприятий.
Депутаташца цхьана вахар ГIалгIай Республика Iилмаи, дешареи министерства говзанча Долакханаькъан Илез, Назрановски района Администраце кулгалхочун гIонча вола Котанаькъан Апти.
Цар ишкола лаьрхIа, мероприятеш дIахьоча хана эшаш дола совгIат дера. Из яр иллей-ашарий оборудовани.
Халкъа депутаташа, ишкола директораца Горчхананаькъан Ахьмадаца, тахкар керттера ишкола эшар фуд.
№ 1 йолча ишкола кулгалхочо дийцар ишкола къаьнарчарех цаI хилар а, исторе оагIонга диллача лерхIаме хилар а, иштта из ЧИАССР йолча хана эггара дикагIчарех лорхIаш хинналга а.
Укх ишколера цхьа ноахал дийша арабаьнна Iийнабац, цул совгIа, уж цIи хезачарех а ба. Масала, царна юкъе ва — Россе хьалхара турпалхо, авиаце инарал-майор Осканаькъан Сусаркъа Суламбик.
Бакъда, хано шийдар дIадех, ишкола тишъенний. Шоашта могар ду ишкола хьехархоша, кулгалхоша из дикача хьале лоаттае гIерташ.
ГIалгIай Республика дешара министерстве 130 ишкола я.
48 дешара кхуврчашка ремонт е езаш я, царех 44 юкъейодаш я тоаяра йолча лаьрххIача(целевой) программа.
ВIашагIкхетар йистедоалаш, депутаташа белгалдир, укхаза дикка болх бе безаш хилар. Хаьшанаькъан Азас, ший аргIах, региона дешара кхуврчашкара хьал дикача боарам тIа латташ хила деза аьнна, белгалдир.
Республика Парламента депутаташа ГIалгIайчен кулгалхой хьаллоацаргба, 2023 шера йоагIаш йола лаьрххIача (целевой) программа юкъе ишколаш яхьара.
