ГӀалгӀайчен бахархой гӀадбигар цига Ӏомалуш боагӀараша, шоай хозача иллешца меттел, бӀарг тӀа ца соцаш длча сихача халхарашца а. «Из ди хӀара сага вахаре дог деладеш доагӀалда, из халхар а илли а санна хоза долаш. Ашарашца толамашта духьалдолхаш хилда вай даим, хӀара ди кхолламах, таронех диза хилда»,-иштта ловца баьккхар мехкахошта из концерт вӀашагӀделлараша. «Сердало» газетага цига дийцар концерте дакъа лоацаш хиннача вай зӀамигача артистех: Таранов Никитайх, Хантиганаькъан Алимайх, Минибаева Лиляйх, Къоастой Ясминайх, Мейрманова Самирайх, Губина Софьяйх, Думова Катяйх. Цар дег чура шоай кхоллама хозал гойтар наха. Цу начӀал долча берашца болх беш ба лакха говзал йола хьехархой, цар лорабу цар селлара хьалха хьаийца кхолламцара безам.