Бераш салаIауха моттигаш, лакхача боараме баь кийчам болаш хила еза аьнна, соцам бир лакхе. Парте пресс-службе аьнначох, вай мехка уж кхуврчаш тоадедезалгах дар, мехка кабмине дIачудахьийтад.

Российски федераци Совфеда спикер йолча Матвиенко Валентинас белгалдаьчох, из гIулакх дуккхаза а керте лоацаш къамаьл даьдар «Единая Россия» яхача парте, хIаьта таханарча дийнахьа, цу хIаман йоаггIаш йола терко тIаяхийта, берий салоIама кхуврчай хьал цхьан кога тIа даккха деза. Россе президента Путин Владимира а хьаллаьцар из дош, лагераш меттаоттае аьнна. «Керда ишкол» яхача партийни проекта региональни координатор йолча ГIаьнажанаькъан Мадинас яхачох, дукхагIдола берий кхуврчаш, тоадара, доккхий балхаш эшаш да.

Масала — ловзаш дола доазонаш, коммуникаци, чулатташ йола хIамаш. Берий лагераш дукхагIа хила еза аьнна соцам баьб. Иштта хуле, берий салоIам ма хетта хургба. «ГIалгIай мехка берашта салаIа моттигаш хилийтара гIулакх боккхача тIахьожаме латт.

ДIадахача шера хьайийлаяр ишколашка 39 лагерь. 4 лагере бераш, бийсаш йоахаш, салоIаш дар. Региональни бюджета новкъосталца 4,5 эзар бера аьттув хилар шоай могашал чIоагIъе, ма хетта салоIаш ха яккха. Цу гIулакха лаьрхIа 44, 1 миллион ахча хьахьожадаьдар.

Укх шера, ГIалгIай мехкарча берий аьттув хургба, мах боацаш, «Орленок» яхача Кубанерча лагере салаIа», — аьлар цо.

Цу дешах дар, ма дарра, техка чIоагIо яьй, керда хьаеш йола берий лагереш лакха санитарни хьал долаши, берашта салоIаш мел эшачун кхоачам болаши хила еза аьнна. «Единая Россияс» юкъе доаладаь из дош раьза хинна хьаллаьцад сенатораш а.

Цу гIулакха эшаш дола каьхаташ Госдуме дIачудихьад. Берий салоIа кхуврчаш диззача шера болх беши, уж тIаэца кийча долаши хила деза хьакимаш яхачох.