Итта шу даьнна Иленаькъан Алима ший хьехамча аьннар хьа а эцаш, шийна карагIдоалар фуд хьожаш я «Радужная кисть» аьнна цIи йолча, Халкъашта юкъерча исбахьлен, декоративно-прикладной искусства конкурсе дакъалоацаш. ЙиIиг толам боаккхаш хилар — «День Победы» яха цо баь болх «Изобразительни искусства» номинацех оттабаьбар, цунна жюре лакха мах оттабир, иштта Хьалхарча степена Диплом а делар.

Кхы а Кердача Реданта шин дешархочо, шоаш регионашта юкъерча «Наш дом-планета Земля» яхача къонача говзанчий прикладной кхоллама балхах латтача конкурсе дакъалаца безам болаш хиларах хоам бир. Уж ба Ховтанаькъан Сабина, цо ший кхоллама болх гойтар «Горец», хIаьта Ховтанаькъан Зухра — скульптура «Горец, горянка». Шинна а йиIига болх белгалбир конкурса доакъашхоша, дипломаш даларца.

«Оаха вай начIал дола йиIигаш дег чура даькъал ювц, дIахо а иштта толамаш даха таро хийла цар», — аьлар культура ЦIен кулгалхочо Хоаной Марета.