СВО доакъашхой бераш салаӏа гӏоргда Калининграде
Лаьрххӏа йола тӏема операци дӏахьош бейнача бӏухой пхи бер гӏоргда Калининграде. Из чудоагӏаш да «Турпалхой бераш» яхача проекта цхьан даькъа. «Боккха мохк. Доккха доттагӏал» лаьрхӏа да ардара бетта 10-ча дийнахьа дӏадоладе.
Цига вахар чудоагӏаш да мехкашта юкъера хьоашал дара. Иштта аьхки Гӏалгӏайче тӏаэцаш хилар Калининградера кхувшбоагӏараш, уж дар эшам хинна бераш. Кагийча берашта кийчъяьй лаьрххӏа йола программа, цунна чудоагӏаш да столицан исторически моттигашка бахар, шоай новкъосташца вӏашагӏкхетар хилар, иштта моттигерча культуран тӏехьале йовзар.
«Тешаш ва, цу наькъо берашта дукха хӏама дагалоаттадергда, цаӏ бола боккха дезал хилар хоалуш хургда, хӏара бер терко йолаш леладеш бола», - аьлар Гӏалгӏайчен кулгалхочо Келаматанаькъан Махьмуд-ӏаьлас.
Ала деза, «Турпалхой бераш: Боккха мохк. Доккха доттагӏал» мехкашта юкъера культура йовзара а, юкъарча гӏайгӏан, а боацарех йолча саготон а белгало я.
