Цунца дувзаденна классера сахьаташ дӀахьош да, дезалах лаьца. «Сай дезала аз баркал оал» яха къамаьл хилар Оалкамарча культуран цӀагӀа, - яхаш, дийцар «Сердало» газетага культуран зарбан болх лелабераша.

«Кхетаче кийчъяьй, кхувш доагӀача ноахала юкъегӀалгӀай эздел довзийтар, Ӏадаташ диццадар, бӀаьшерашка денз хьайоагӀа къаман культура Ӏомаеш хилар чу а лоацаш. Иштта цу юкъе керттера дакъа дӀалоацаш да да-нана лархӀар, даь-да, даь-нана боча хилар, царца лерхӀам лелабар.

Дезал яхача деша мел доккха маӀан да, даь, наьна хьехар мел эшаш да хьалхадоаккхаш дар хинна къамаьл. Уж а дукха кхыдола а хаттараш техкар цу кхетаче хьехархоша, культуран цӀен дешархошца классера сахьат дӀахьош.

Берашта чӀоагӀа дезаделар из къамаьл, цунца цхьана дукхагӀа безам сомабаьлар цар дегашка, шоай гаргарча нахаца бувзабенна, цар кхетадир безаме дезал хилар мел лоархӀаме да.