Гӏалгӏайчен таьрахьий дегӏаахара кулгалхочо къамаьл дир ӏТ-кхетаче
«Бизнес.Техноград» яхача Московски ВДНХ комплексе балхацара кхетаче хилар, Тахан Тоабанна Хьалхавала, яхаш. Из кхетаче дӏахьош цхьан майдан тӏа гулвелар 500 совгӏа говзанча, 30 эксперт, царна юкъе бар тоабай кулгалхой, топ-менеджераш, ӏТ-департамента кулгалхой. Цига дика дакъа лоацаш хилар Гӏалгӏайчен таьрахьашца дегӏайоалаяра Академи. Цига эксперташа ӏТ-тоабаш вӏашагӏтохарах, бизнеса искусственни интеллект юкъеяккхарах дийцар. Топ-менеджерашта лаьрхӏа дӏахьош хиннача секце къамаьл дир Академе кулгалхочо Арцюх Дмитре.
«ИИ новкъосталца деш долчун жоп лур саг ва. Цудухьа дикача, воча менеджера; иштта дикача, воча проект оттаечоа юкъера доазув тахан укхаза къоастадеш да», - аьлар Арцюх Дмитре.
«ИИ юкъейоаккхаш гуш йоаца халонаш» яха доклад ешаш, таьрахьашца дегӏаахара Академе кулгалхочо ма дарра довзийтар из юкъейоалаяра эшаш дар, из мишта лелае еза хьалхадаьккхар.
Из кхетаче накъаяьлар российски ӏТ-даькъ тӏара болх лелабеча кулгалхоша шоайла къаьгга къамаьл дӏадахьара. Доакъашхой таро я хьалхале лелаю менеджмента, иштта сага кхеллача хьаькъала технологе керда оагӏув ювца.
Таханарча денга кхоачаш, Гӏалгӏайчен таьрахьашца дегӏаахара Академи, Даькъасте йоккхагӏчарех цаӏ йола дешара моттиг я. Из хьакхеллай «САФМАР» яхача тоабо, цун керте ва бизнесмен, меценат Гуцаранаькъан Микаил. Цу проекта чуйоагӏаш я Магасера «Ишкол 21» (Сбераца цхьана дӏахьош йола проект), Гӏалгӏайчен Бизнес-акселератор, карьера, авторски дешара программаш дегӏайоалаяра Центр.
Цо таро лу, безам барашта, таьрахьий говзал ӏомае, балха говзал лакхъе, проекташ вай заман таьрахьий экономиканна юкъейоалае.
