Мероприяте дакъа лоацаш бар ГIалгIайче Iалама министерстваи цунца ювзаеннача учрежденей болхлойи, иштта Галашкара администраце болхлойи, спортшкола викалаши. Шолжа района администраце а йисанзар субботника юстара, дакъалоацаш бар- Шолжа района кулгалхо Дзейтанаькъан Мухьмад, Iалам лодара ведомства кулгалхо Евлой Мухьмад, Галашка администраце кулгалхо Оздой Муса.
Баьча балха пайда бар — 120 гали нувхаш гулъяр, хьаштдале, бала боацачаш уж Iокхийсачанна хьалхара а. ТIехьарбараш дагалаьцача, дагадох дикадоаца дустараш. ХIаьта а вайна дино хьеххача бесса ловра-кх цанна эхь-бехк хетар, иманага а кхаьча, уж тоабалар.
