«ГIалгIай Республика  законопроекташка хьажарах а законаш тIаэцарах а долча» ГIалгIай Республика Закона хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                                      2025 шера маьтсела бетта 20 ди

Статья 1

«ГIалгIай Республика законопроекташка хьажарах а законаш тIаэцарах а долча» 1999 шера тушола бетта 3 дийнахьарча №6-РЗ йолча ГIалгIай Республика Закона (газет «ГIалгIайче», 1999 шера тушола бетта 25 ди; газет «Сердало», 2004 шера аьтинга бетта 22 ди; газет «ГIалгIайче», 2005 шера саькура бетта 17 ди; газет «Сердало», 2006 шера саькура бетта 28 ди; газет «ГIалгIайче», 2009 шера аьтинга бетта 23 ди; газет «Сердало», 2010 шера лайчилла  бетта 9 ди; газет «ГIалгIайче», 2011 шера ардара бетта 6 ди; 2015 шера тушола бетта 5 ди; Официальни бокъон хоама интернет-портал (www.pravo.gov.ru), 2022 шера тушола бетта  4 ди) юкъехьо Iобелгалдаь хувцамаш:

1) 6 статьяйна тIатохар де Iобелгалбаь чулоацам болча абзацаца:

«Бехктокхаме йолча комитета соцамах законопроект ГIалгIай Республика Халкъа Гуллама комитета председатела кулг яздаь каьхат шийца а долаш, могаду хьалхаленца паччахьалкхен органашка, кхыйолча организацешка дIаяхьийтар, цар шоашта хетараш, дича бакъахьдараш, белгалдараш довзийтаргдолаш а, иштта Iилман экспертиза а ергйолаш.»;

2) 10 статьяй 3 дакъа  Iобелгалъяьча редакце дIаязде: 

«3. ГIалгIай Республика Халкъа Гуллама могадеш да, хьалхарча дешаре тIаийца йолча законопроектах, дерригача халкъо шийна хетар аргдолаш соцам тIаэца.»;

3) 12 статьяйна  тIатохар  де Iобелгалбаь чулоацам болча 5 даькъаца:

«5. Законопроекташ ГIалгIай Республика Халкъа Гуллама тахкар могаду, законодательни инициатива бокъон субьекташа шоашта хетараш, дича бакъахьдараш, белгалдараш  хьадаланза хилча, нагахьа санна шоашта хетараш, дича бакъахьдараш, белгалдараш ГIалгIай Республика Халкъа Гулламо оттаяьча хан-юкъа хьаденна ца хилча.»;

4) III керта цIи Iобелгалъяьча редакце дIаязъе:

«Корта III. ГIалгIай Республика Мехкдас дIатетта законаш шозлагIа тахкар»;

5) 16 статья Iобелгалъяьча редакце дIаязъе:

«Статья 16. ДIатетта закон тахкара ГIалгIай Республика Халкъа Гулламо кийчо яр

1. Нагахьа санна, ГIалгIай Республика Мехкдас 14 ди доалача ханачухь закона тIа кулг ца а яздеш, ГIалгIай Республика Халкъа Гулламага ший оттаме дола бахьанаш белгал а ца деш е цунна юкъе хувцамаш дари тIатохараш дари ца хилча, из дIатетта лоархI, тIаккха ГIалгIай Республика Халкъа Гулламо шозлагIа тахка дезаш а да.

2. ГIалгIай Республика Мехкдас дIатетта закон, ГIалгIай Республика Халкъа Гуллама Председатела дIалу бехктокхамерча комитетага, цу комитето  14 ди доалача ханачухь дIатеттача законах чаккхе оттаю, тIаккха из ГIалгIай Республика Халкъа Гуллама Совете дIадохьийт.

3. ГIалгIай Республика Мехкдас дIатетта закон, ГIалгIай Республика Халкъа Гуллама Совето, бехктокхамерча комитета дIатеттача законах чаккхе ше хьийцача, из  юкъехьу аргIа йоацача кепе,  ГIалгIай Республика Халкъа Гуллама аргIанарча кхетачене тахкаргдолаш.

4. ГIалгIай Республика Мехкдас дIатетта, ГIалгIай Республика закон, ГIалгIай Республика Халкъа Гуллама шозлагIа  тахкара хан-йовкъех  хоам бу ГIалгIай Республика Мехкдаьга, ГIалгIай Республика Халкъа Гулламо тохкам бар хила 3 денал кIезигах йоаца ха йиссача.»;

6) 17 статье:

а) цIераца дош «юхаденнача» хувца дешаца «дIатеттача»;

б) 3 даькъе дош «юхаденна» хувца дешаца «дIатетта»;

в) 5 даькъе дош «юхаденна» хувца дешаца  «дIатетта».

 Статья  2

       Ер Закон низаца чIоагIденна болх бе долалу, ер официально кепатеха итт ди чакхдаьннача дийнахьа денз.

ГIалгIай  Республика

           Мехкда                                               Келаматнаькъан М.М. 

г. Магас

2025 шера  аьтинга бетта «2» ди

        № 16-РЗ