«ГIалгIай Республикерча хоржамий комиссей системах долча»  ГIалгIай Республика Закона 3 а 14 а статьяшка хувцамаш  юкъедахьара  хьакъехьа

ТIаийцад 

ГIалгIай Республика

Халкъа Гуллама                                        2025 шера тов бетта 30 ди

Статья 1

«ГIалгIай Республикерча хоржамий комиссей системах долча» 2016 шера тушола бетта 28 дийнахьарча №10-РЗ йолча ГIалгIай Республика Закона (Официальни бокъон хоама интернет-портал (www.pravo.gov.ru), 2016 шера тушола бетта 30 ди; интернет-газет «ГIалгIайче» (www.gazetaingush.ru), 2021 шера маьтсела бетта 7 ди, аьтинга бетта 2 ди; 2022 шера кIимарса бетта 14 ди, оагIой бетта 6 ди; 2023 шера бекарга бетта 6 ди, лайчилла  бетта 8 ди; 2024 шера тушола бетта 15 ди, аьтинга бетта 19 ди) юкъехьо  Iобелгалдаь хувцамаш:

1) 3 статьяйна тIатохар де Iобелгалбаь чулоацам болча  271 даькъаца:

«271. Комиссен дагавала бокъо йолча доакъашхочун бокъо я, комиссен дагавала бокъо йолча доакъашхочун йола бокъо, укх статьяй  27 даькъа 1 – 4, 7 пункташца белгал ма дарра, хоржамаш, референдум дIаяхьара кийчо еча, дIахьоча дакъа лаца.»;

2)  14 статьяй  1 дакъа дIаязде Iобелгалъяьча   редакце:

«1. Доазон хоржамий комиссеша кхоачо ю хоржамаш, референдумаш ше-ший аргIа йолча  доазонаш тIа Федеральни законо, кхыдолча федеральни законаша, аргIа йолча ГIалгIай Республика законаша,  укх Законо оттаяьча  компетенце боараме дIаяхьара  кийчо еш а дIахьош а.

Доазон хоржамий комиссеша кулгалду хоржамаш, референдумаш, аргIа йолча доазонаш тIа кийчо еш а дIахьош а къахьегача  даькъа тIарча комиссешта, цар хьакъехьа царна лакхе латта комиссеш я уж.».

Статья 2

Ер Закон низаца чIоагIденна болх бе долалу, ер официально кепатеха  итт ди чакхдаьннача дийнахьа денз. 

ГIалгIай Республика                                

           Мехкда                                                               Келаматнаькъан М.М.

      2025 шера «9» ди  Ардара бетта

          № 25-РЗ