«ГIалгIай Республике туристски къахьегамах долча» ГIалгIай Республика Закона  хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                                2025 шера ардара бетта 28 ди

Статья 1

«ГIалгIай Республике туристски къахьегамах долча» 2011 шера                     4 дийнахьарча кIимарса бетта №19-РЗ йолча ГIалгIай Республика Закона (газет «ГIалгIайче», 2011 шера кIимарса бетта  9 ди; Официальни бокъон хоама интернет-портал  (www.pravo.gov.ru), 2015 шера оагIой бетта  2 ди, оагIой бетта 14 ди; 2017 шера маьтсела бетта 2 ди; интернет-газет «ГIалгIайче» (www.gazetaingush.ru), 2019 шера оагIой бетта 2 ди; 2021 шера аьтинга бетта 2 ди; 2022 шера тушола бетта 5 ди, аьтинга бетта 3 ди; 2024 шера лайчилла бетта 19 ди)  юкъехьо Iобелгалдаь хувцамаш:

1) 6 статьяй 1 даькъе:

а) 10 пункте дешашта «декхарашта лаьрхIа» тIехьа тIатохар де дешашца «23 шу даллалца ха йола нах»,  деша «организацешка» тIехьа тIатохар де дешашца «профессиональни дешара организацешка»;

б) 131 пункт Iобелгалъяьча редакце дIаязъе:

«131) экскурсоводий (гидий) е гидий-толмачий   къахьегама аттестаци яра йолча аттестационни комиссех йола положени, цу даькъе белгалъяьча комиссен оттам дIачIоагIбу;»;

2) 13 статьяй 6 даькъе дешашта «налогови дIаоттам» тIехьа тIатохар де дешашца «Профессиональни пайдах тоха налог» «ЛаьрххIа налогови дIаоттам оттабарах йола эксперимент дIаяхьарах долча», 2018 шера лайчилла бетта 27 дийнахьарча №422-ФЗ йолча Федеральни законаца нийса «Профессиональни пайдах тоха налог» (дIахо –лаьрххIача налогови дIаоттамах пайда эцаш бола физически лицаш),»;

3)  131 статья  Iобелгалъяьча редакце дIаязъе:

«Статья 131. Туристски индустре хьакъехьа региональни   паччахьалкхен тIахьожам (бIаргаIунал) 

1. ГIалгIай Республика доазон тIа туристки индустре хьакъехьа  региональни паччахьалкхен тIахьожам (бIаргаIунал)  лоаттабар кхоачашду, ГIалгIай Республика лакхехьарча кхоачашдара Iаьдала органо  викал яьча ГIалгIай Республика кхоачашдара Iаьдала органо.

2. Туристки индустре хьакъехьа региональни паччахьалкхен тIахьожам (бIаргаIунал) лоаттадара куцаца да, юридически лицаша, индивидуальни предпринимателаша, физически лицаша «Российски Федераце туристки къахьегама лардех долча» Федеральни законо а цунца нийса тIаийцача боарама бокъон акташца а дIаоттадаь кхоачашданза даргдоаца дIадехараш лорадар.

3. Туристки индустре хьакъехьа региональни паччахьалкхен тIахьожам  (бIаргаIунал) лоаттадара куцаца да, долаш долча чуэцара средстваех къахьегара даькъе бувзам болча, шоай хьакъехьа   «Российски Федераце туристки къахьегама лардех долча» Федеральни закона 51 статьяс дIадехарашца белгалдаьраш  дIа-хьа  даржаш дале, кхоачашдара Iаьдала федеральни органий ведомства доала кIала йолча санаторно-курортни организацеш ца лаьрхIача, царца дIалоархI кхоачашданза даргдоаца Iобелгалдаь дIадехараш:

1) долаш долча чуэцара средствайх дола сведенеш долаш долча чуэцара  средствай реестре классифицированни  хилар;

2) долаш долча чуэцара средствайх дола сведенеш долаш долча чуэцара средствай  аргIа йолча тайпаех дIадехарашта нийса хилар, долаш дола чуэцара средствайх йолча положенеца нийса отта ма дарра;

3) долаш дола чуэцара средстваш, долаш долча чуэцара  средствай тайпа а (е)  категорена а нийса хилар, классифицированни реестре белгал ма дарра;

4) долаш долча средствай цIераца, рекламе пайда эцаш долча  чуэцара средствай тайпа а (е) категорена нийса хилар, чуэцара средстваех пайда а эцаш болча къахьегамца, чуэцара средствайх йолча классифицированни реестре белгал ма дарра;

5) чуэцара средствай классифицированни реестре хоам бара –телекоммуникационни  сете «Интернет» ссылка хилар, чуэцара средстваех хоам беш, иштта чуэцара средстваех дола сведенешка чуэцара средстваех, гостинични услугех  болча хоама тIа долчоа нийса хилар, хоам бечун агрегатор доалахьа йолчун услугех е хоам бара – телекоммуникационни  сете «Интернет» хилар, цу тайпара  долча чуэцара средстваех долча сведенешта чуэцара классифицированни средствай реестре белгал ма дарра;

6) гостинични услугаш яра, чуэцара услугаш яра (нагахьа санна хилча) бокъонаш лораяр (потребителий бокъонаш лораяра федеральни паччахьалкхен тIахьожам (бIаргаIунал) лоаттадарца дIадехараш ца лаьрхIача).

4. ГIалгIай Республика доазон тIа лоаман-когсоалозий наькъашца е пляжашца бувзабеннача къахьегама хьакъехьа региональни  паччахьалкхен тIахьожам  (бIаргаIунал) лоаттабарца  да лоаман-когсоалозий  наькъа категори а пляжа категори а рекламе пайда эцар нийса хилара лоаман-когсоалозий наькъа е пляжа, лоаман когсоалозий наькъах  е пляжах пайда эцаш хилча, лоаман-когсоалозий никъ е пляж лоаман классифицированни когсоалозий наькъа категорена    е классифицированни пляжа категорена нийса хилар,  лоаман классифицированни когсоалозий наькъа категоре    е классифицированни пляжа категоре реестре белгал ма дарра.

5. Туристски индустри экскурсоводий (гидий), гидий-толмачий а  къахьегамах региональни паччахьалкхен тIахьожам (бIаргаIунал) лоаттабарца да, Iобелгалдаь кхоачашданза даргдоаца дIадехараш:

1) экскурсоводий (гида), гида-толмача  болх беш йола аттестаци а наькха тIа леладу  идентификационни карточка а  цар  услугаш еча хана царга хилар;

2) экскурсовода (гида), гида-толмача услугаш яра бокъонаш лораяр (потребителий бокъонаш лораяра хьакъехьа федеральни паччахьалкхен тIахьожам (бIаргаIунал) лоаттадарца дIадехараш ца лаьрхIача).

6. Туристски индустри инструкторий-накъабоахарий къахьегамах региональни паччахьалкхен тIахьожам (бIаргаIунал) лоаттабарца да Iобелгалдаь кхоачашданза даргдоаца дIадехараш:

1) инструктора-накъабоахачун болх беш йола аттестаци а наькха тIа леладу  идентификационни карточка а  цар  услугаш еча хана царга хилар;

2) инструктора-накъабоахачо туристаш (экскурсанташ) лаьрххIа накъабахар эшача туристий маршруте накъабоахаргхиларах хоам бар;

3) инструктора-накъабоахачо туристаш (экскурсанташ) лаьрххIа накъабахар эшача туристий маршруте накъабоахар;

4) инструктора-накъабоахачо услугаш яра бокъонаш лораяр (потребителий бокъонаш лораяра федеральни паччахьалкхен тIахьожам (бIаргаIунал) лоатадарца дIадехараш ца лаьрхIача).

7. Туристки индустре хьакъехьа региональни паччахьалкхен тIахьожам  (бIаргаIунал) Iалашдари лоаттадари дIа-хьа нийсду,  «Российски Федераце паччахьалкхен тIахьожамах (бIаргаIуналах) а муниципальни тIахьожамах а долча», 2020 шера кIимарса бетта 31 дийнахьарча №248-ФЗ йолча Федеральни законаца. 8. Туристки индустрен хьакъехьа  региональни паччахьалкхен тIахьожам  (бIаргаIунал) лоаттабарах йола положени дIачIоагIъю ГIалгIай Республика Правительствос.

Региональни паччахьалкхен тIахьожам  (бIаргаIунал) дIахьоча хана планови тIахьожама (бIаргаIунала)  мероприятеш  дIахьоц.

Региональни паччахьалкхен тIахьожам  (бIаргаIунал) дIахьоча хана могаду массазара а рейд лоаттаяр, «Российски Федераце паччахьалкхен тIахьожамах (бIаргаIуналах) а муниципальни тIахьожамах а долча» 2020 шера кIимарса бетта 31 дийнахьарча №248-ФЗ йолча Федеральни закона положенешца нийса.

Туристки къахьегама  хьакъехьа массазара рейд дIаяхьара аргIа  дIаоттаю, ГIалгIай Республика Правительствос дIачIоагIъеча тIахьожамах (бIаргаIуналах) йолча положенеца.

Нагахьа санна  дIа а баха  тохкам бича, кхоачашданза даргдоаца дIадехараш толхадар гучадаьлча могаду, хьем боацаш тIахьожама эцар кхоачашде, «Российски Федераце паччахьалкхен тIахьожамах (бIаргаIуналах) а муниципальни тIахьожамах а долча» 2020 шера кIимарса бетта 31 дийнахьарча №248-ФЗ йолча Федеральни закона 75 статьяй 7 даькъаца нийса.

ТIахьожама (бIаргаIунала) органа могаду, ца хилча даргдоацача моттиге къаьстта тIахьожама (бIаргаIунала) дераш кхоачашде ший ведомства кIала йолча учреждене говзанчаш  юкъеозар, туристски индустре даькъе региональни паччахьалкхен тIахьожам  (бIаргаIунал) лоаттабарах йолча положенеца белгалъяьча аргIанца нийса.

ТIахьожама (бIаргаIунала) органа, «Российски Федераце паччахьалкхен тIахьожамах (бIаргаIуналах) а муниципальни тIахьожамах а долча» 2020 шера кIимарса бетта 31 дийнахьарча №248-ФЗ йолча Федеральни законаца нийса дIайихьача тIахьожама (бIаргаIунала) мероприятей  чаккхенашца тIаийцача соцамашца,   бокъо я:

1) кхоачашданза даргдоаца, дIабаха тохкам беш  гучадаьха толхадараш е толхадой тIахьожаш кхоачашданза даргдоаца дIадехараш дIадахарах предписани дIаяла;

2) услугех болча хоама агрегатор доалахьа йолчунга,  хоамий сервис доалахьа йолчунга дIалуш йолча чуэцара средствай услугех (гостинични услугех) бола хоам боаржабар хьем боацаш соцабарах предписани дIаяла;

3) нагахьа санна чуэцара средстваш чуэцара средствай категори, чуэцара классифицированни средствай реестре белгалдаьча дIадехарашта нийса ца хилар гучадаьлча, туристски даькъе классификаци кхоачашъеча организацега аргIа йола хоам дIабала, тIаийцача соцамех дола сведенеш хьадалар дехаш, чуэцара средстваш белгалдаьча дIадехарашта нийса ца хилар, цу даькъе планаца доацаш чуэцара средстваш дIаеннача категоренна чуэцара средстваш дIадехарашта нийса хилар бакъдеш;

4) чуэцара средствай классификаци ханна соцаяр, юха меттаоттаяр, иштта чуэцара средства классификаци елга соцадар (чуэцара средствах дола сведенеш чуэцара средствай реестрера дIадахар);

5) экскурсовода (гида), гида-толмача  аттестаци соцаяр а царех дола сведенеш  а экскурсоводий (гидий), гидий-толмачий  цаI йолча федеральни реестрера дIадахарах а соцам тIаэцар.».

Статья 2

Ер Закон низаца чIоагIденна болх бе долалу, ер официально кепатехача  дийнахьа денз.

ГIалгIай  Республика

          Мехкда                                               Келаматнаькъан М.М.

г. Магас

2025 шера «11» ди лайчилла бетта 

        № 30-рз