«ГIалгIай Республике паччахьалкхен даржашка а паччахьалкхен граждански служба даржашка а хиннача наха цхьадола  социальни тешамаш даларах долча» ГIалгIай Республика Закона 11 статье  хувцам юкъебахьара хьакъехьа

ТIаийцад 

ГIалгIай Республика

Халкъа Гуллама                             2025  шера лайчилла бетта 27 ди

Статья 1

«ГIалгIай Республике паччахьалкхен даржашка а паччахьалкхен граждански служба даржашка а хиннача наха  социальни тешамаш даларах долча» 2000 шера саькура бетта 29 дийнахьарча №2-РЗ йолча ГIалгIай Республика Закона (газет «ГIалгIайче», 2000 шера тушола бетта  15 ди; 2002 шера кIимарса бетта 25 ди; 2005 шера бекарга бетта 2 ди; газет «Сердало», 2005 шера кIимарса бетта 30 ди; газет «ГIалгIайче», 2005 шера маьцхалий бетта 9 ди; 2006 шера  тушола бетта 4 ди, маьтсела бетта 4 ди; 2007 шера маьтсела бетта 19 ди; газет «Сердало», 2010 шера лайчилла бетта 9 ди; газет «ГIалгIайче», 2011 шера ардара бетта 6 ди; 2012 шера  маьтсела бетта 15 ди; 2014 шера бекарга  бетта 17 ди; Официальни бокъон хоама  интернет-портал (www.pravo.gov.ru), 2016 шера оагIой  бетта  20 ди; 2017 шера оагIой бетта 20 ди; интернет-газет «ГIалгIайче» (www.gazetaingush.ru), 2018 шера аьтинга бетта  13 ди; 2020 шера аьтинга бетта 23 ди; 2021 шера оагIой бетта 7 ди; 2023 шера бекарга бетта 6 ди; 2024 шера маьтсела бетта 6 ди, оагIой бетта 28 ди) 11 статье хувцам юкъехьо из Iобелгалъяьча редакце дIа а язъеш:

«Статья 11. Пенсех водача хана ахчан совгIат далар

1. ГIалгIай Республика паччахьалкхен даржашка а граждански служба даржашка а хадданза лаьттача наха, паччахьалкхен даржашка, граждански служба даржашка хилара  къахьегама стаж укх Законаца нийса пенсе ваха бокъо луш хилча, цкъа луш дола ахчан совгIат лу юкъера лаьрхIача луш долча алапен итт боараме цхьан ханачухь Iобелгалдаь хьалаш лорадича:

1)  страховой пенси къоаналах хьожадар (заIап хиларах);

2) ГIалгIай Республика паччахьалкхен службера е ГIалгIай Республика паччахьалкхен  граждански служба даржера мукъаваккхарах;

3) ГIалгIай Республика паччахьалкхен службе е ГIалгIай Республика паччахьалкхен граждански службе биззача 12 бетта дарже латтарах даржера дIавоаккхаш (ГIалгIай Республика паччахьалкхен службера мукъавитарах). 

2. Цкъа луш дола ахчан совгIат лац, нагахьа санна укх статьяй 1 даькъе  белгалбаьча наха ахча дIаийца дале (цкъа луш дола ахчан совгIат) паччахьалкхен (муниципальни) даржера е паччахьалкхен (муниципальни) службера мукъавоалийташи из къоаналах (заIап хиларах) страховой пенсе ваха вале.

3. Цкъа луш дола ахчан совгIат лац нагахьа санна  полномочеш соцайича (цу даькъе ханал хьалха) Российски Федераце   законодательствоца белгалдаь коррупцена духьале яра оттадаь доазув тохараш, бехкамаш, декхараш кхоачаш ца дарах е «Российски Федераце субъекташка публични Iаьдал оттадара юкъарча принципех долча» Федеральни закона 14 статьяй  1 даькъа 3 а 4 а доакъошца, 28 статьяй 1 даькъа 3, 4, 7, 8, 9 пункташца  белгалъяьча лардий кIийлен тIа, е «Российски Федераце субъекташка публични Iаьдал оттадара юкъарча принципех долча»  19 статьяй 2 даькъе оттадаь доазув тохараш лора ца дарах, иштта судебни аргIах оттадаь бехк беш кхоачашдаьраш бахьан долаш.».

Статья 2

Ер Закон низаца чIоагIденна болх бе долалу, ер официально кепатехача  дийнахьа денз.

ГIалгIай Республика

Мехкдаь декхараш кхоачашдер                                 Сластенин В.В. 

г. Магас

2025 шера  «5» ди  оагIой бетта 

№42-рз