«Ветеринариях долча»  ГIалгIай Республика Закона  хувцамаш юкъедахьара хьакъехьа

ТIаийцад

ГIалгIай Республика

Халкъа Гуллама                            2025  шера лайчилла бетта 27 ди

Статья 1

«Ветеринариях долча»   2005 шера аьтинга бетта 23 дийнахьарча №28-РЗ йолча ГIалгIай Республика Закона (газет «ГIалгIайче», 2005 шера кIимарса бетта  2 ди; ардара бетта 20 ди; 2006 шера бекарга бетта 25 ди; газет «Сердало», 2007 шера бекарга бетта 26 ди; газет «ГIалгIайче», 2014 шера маьтсела бетта 6 ди; 2015 шера оагIой бетта 29 ди; интернет-газет «ГIалгIайче» (www.gazetaingush.ru), 2019 шера оагIой бетта  2 ди;  2021  шера тушола бетта  4 ди; 2022 шера аьтинга бетта  3 ди; 2023 шера бекарга бетта 7 ди; 2024 шера тушола бетта 14 ди) юкъехьо Iобелгалдаь хувцамаш:

1) преамбула ший низ дIабаьнна лархIа; 

2) 1 статье: 

а) хьалхара абзац  Iобелгалъяьча редакце дIаязъе:

«Укх Законе ветеринари кхетаю Iилман ховш дараш а практически къахьегам санна  а дийнаташта лазараш ца хилийтара хиннарашта дарба дара, ветеринарни даькъе кхерамзле йола биззача боараме дийнатех хьайоаккха продукци арахецари сага а дийнаташта а цхьатарра хулаш дола лазараш хургдоацаш бахархой лорабари санна.»;

б)    кхоалагIа  абзац  Iобелгалъяьча редакце дIаязъе:

«законодательствос оттаяьча аргIанца нийса, цу юкъе  юртбоахама, коатIарча, зоопаркашкарча а кхыдолча а дийнаташта, кIаьда чо бола цIокаш долча оакхарашта, оалхазаршта, чкъаьраштеи нокхараштеи дIа-хьа дувлаш дола а кхыдола а лазараш ца хилийтараи дийнаташта ветеринарни Iунал дараи республикански планаш кхоачашъяр»;»;

в) йиълагIа  абзац  Iобелгалъяьча редакце дIаязъе:

«ветеринари хьакъехьа говзанчаш кийчбар;»;

г) ворхIлагIа абзац ший низ дIабаьнна лархIа;

д) бархIлагIа  абзац  Iобелгалъяьча редакце дIаязъе:

«ГIалгIай Республике ветеринария хьакъехьа декхараш кхоачашду:

ГIалгIай Республика кхоачашдара органо Российски Федераце субьекташта ветеринария хьакъехьа дIаеннача компетенце боараме а Российски Федераце ветеринария хьакъехьа а полномочеш, Российски Федераце субьектий паччахьалкхен Iаьдала органашта кхоачашъе дIаенна йола, Российски Федераце «Ветеринариях долча» Закона 31 статьяй 1 пункте белгал ма дарра (дIахо – ГIалгIай Республика ветеринария даькъе викал яь кхоачашдара орган);

ГIалгIай Республика ветеринария даькъе викал яьча, кхоачашдара органа ведомства кIала йола паччахьалкхен учрежденеш;

ветеринария даькъе бола говзанчаш;

зоотехния даькъе бола говзанчаш Российски Федераце «Ветеринариях долча» Законо белгалъяьча моттигашка.»;

3) 3 статье:

а) йиълагIа  абзац  Iобелгалъяьча редакце дIаязъе:

«ГIалгIай Республика ветеринария даькъе викал яьча кхоачашдара органа къахьегам вIаштIехьбаккхари Iалашбари;»;

б) пхелагIа абзац Iобелгалъяьча редакце дIаязъе:

«дийнаташта дIа-хьа дувлаш дола а кхыдола а лазараш ца хилийтараи  республикански программаш вIашагIйохкари дIачIоагIъяри;»;

в) ялхлагIча абзаце дешаш «дIадахьар а» хувца дешаца «дIахьош», дешаш «доал доацаш дола дийнаташ хьалувцаш а доал деш а» дIадаха;

г) ийслагIча абзаце дешаш «ГIалгIай Республика Правительствос а моттигерча шедоаладара органаша а» дIадаха;

д) йийттлагIча абзаце дешаш «ветеринарни служба» хувца дешашца «ГIалгIай Республика ветеринария даькъе викал яь кхоачашдара орган а цун ведомства кIала йола паччахьалкхен учрежденеш а»;

е) тIатохар де Iобелгалбаь чулоацам болча абзацаца:

«ветеринария даькъе кхыдола дешаш дашхар, Российски Федераце доалахьа леладе дIаденна дешаш ца лаьрхIача.»;

4) 31 статье:

а) 2 даькъе: 

1 пункт Iобелгалъяьча редакце дIаязъе:

«1) ГIалгIай Республика ветеринария даькъе викал яьча кхоачашдара органа кулгалхо дарже оттаву, ветеринария даькъе боарама-бокъон дIа-хьа нийсдара йолча кхоачашдара Iаьдала федеральни органаца барта дихье, иштта  даржера мукъа а воалийт;»;

2 пункт ший низ дIабаьнна лархIа; 

3 пункт  Iобелгалъяьча редакце дIаязъе:

«3) ГIалгIай Республика ветеринария даькъе викал яьча кхоачашдара органа структура дIачIоагIъю кхоачашдара Iаьдала ветеринария даькъе йолча боарама-бокъон дIа-хьа нийсдара хьакъехьа йолча федеральни органаца барт а бий;»;

б) 3 дакъа ший низ дIабаьнна лархIа;

5) II керта цIи Iобелгалъяьча редакце дIаязъе:

«Корта II. ГIалгIай Республика ветеринария даькъе викал  яь кхоачашдара орган»;

6) 5 статья   Iобелгалъяьча редакце дIаязъе:

«Статья 5.  ГIалгIай Республика ветеринария даькъе викал  яьча кхоачашдара органа декхараши къахьегам  вIаштIехьбаккхари 

1. ГIалгIай Республика ветеринария даькъе викал  яьча кхоачашдара органа декхарашца да:

ГIалгIай Республика доазон тIа ветеринария даькъе паччахьалкхен политика кхоачашъяр;

дийнаташта хулаш дола дIа-хьа дувла а дуккханахьа хулаш дола дIа-хьа ца дувла а лазараш ца хилийтара а дIадахара а къахьегар;

хьайбай продукцен санитарни даькъе кхерамзле лораяр;

бахархой сага а хьайбашта а цхьатарра хулаш долча лазарех лорабар;

ГIалгIай Республика  доазув лорадар  дийнаташта хулаш долча дIа-хьа дувла лазараш арахьара чудахьаргдоацаш;

Российски Федераце субьекташта ветеринария хьакъехьа дIаеннача компетенце боараме а Российски Федераце ветеринария хьакъехьа полномочеш, Российски Федераце ветеринария хьакъехьа паччахьалкхен Iаьдала органашта кхоачашъе дIаенна полномочеш кхоачашъяр;

2. ГIалгIай Республика ветеринария даькъе викал  яь кхоачашдара орган чуйоагIа Российски Федераце Паччахьалкхен ветеринарни служба системе.

3. ГIалгIай Республика ветеринария даькъе викал  яьча кхоачашдара органа финасировани елга а рузкъан-технически кхоачо яр а дIахьу республикански бюджета средстваех.»;

7) 6 статья   Iобелгалъяьча редакце дIаязъе:

«Статья 6. Ветеринария даькъе болча говзанчашта социальни Iалашо яр Ветеринария даькъе болча говзанчашта лаьрхIа могаду социальни Iалашо елга Российски Федераце законодательствоца а ГIалгIай Республика законодательствоца а нийса.»;

8) корта III ший низ дIабаьнна лархIа; 

9) 9 а 10 а статьяш шоай низ дIабаьнна лархIа;

10) 11 статьяй шоллагIа абзац ший низ дIабаьнна лархIа; 

11) 12 статья ший низ дIабаьнна лархIа; 

12) 14 статье:

а) цхьоалагIа абзац Iобелгалъяьча редакце дIаязъе:

«Нагахьа санна ГIалгIай Республика доазон тIа дийнаташта  дIа-хьа дувла лазараш хьахилара а дIа-хьа даржара кхерам эттача ГIалгIай Республика Мехкдас, ГIалгIай Республика ветеринария даькъе йолча кхоачашдара органа кулгалхочун представленех соцам тIаэц ГIалгIай Республика доазон тIа бехкама мероприятеш (карантин) оттаяра. ГIалгIай Республика ветеринария даькъе  йолча кхоачашдара органа кулгалхочун представлене копи ГIалгIай Республика Мехкдаьга дIадахьийтарца цхьана дIадохьийт ветеринария даькъе боарама-бокъон дIа-хьа нийсдара йолча  кхоачашдара Iаьдала федеральни органага а ветеринарни бIаргаIунал дара хьакъехьа йолча федеральни органага а.»;

б) шоллагIча абзаце дешаш «ГIалгIай Республика паччахьалкхен Iаьдала органага кхоачашъе дIаенна йола полномочеш «Ветеринариях долча» Российски Федераце Закона 31 статьяй 1 пункте белгал ма дарра» хувца дешашца «ветеринария даькъе викал яьча ГIалгIай Республика паччахьалкхен органа»;

в) ворхIлагIча абзаце дешаш «ГIалгIай Республика «Ветеринариях долча» Российски Федераце Закона 31 статьяй 1 пункте белгал ма дарра, кхоачашъе дIаеннача кхоачашдара органий кулгалхой» хувца дешашца «ветеринария  даькъе викал яь ГIалгIай Республика кхоачашдара орган»;

13) 15 статья ший низ дIабаьнна лархIа; 

14) 151 статья Iобелгалъяьча  редакце дIаязъе:

«Статья 151. Геттара кхераме дола лазараш гучадаьнна моттигаш дIайоахача хана хьайбаш хьадахар а (е) хьайбай продукци  хьаяхар а

Геттара кхераме дола лазараш гучадаьнна моттигаш дIайоахача хана, укх Закона 14 статья тIа белгалбаьча наьха представленех, ГIалгIай Республика Правительства соцамах могаду хьайбаш хьадахар а (е) хьайбай продукци  хьаяхар а уж хIалак яра декхарашта, доалахьа долчоа аргIа йола уж хьадахара тешал ду документ дIа  а луш.

Геттара кхераме дола лазараш гучадаьнна моттигаш дIайоахача хана, хьайбаш хьадахар а (е) хьайбай продукци хьаяхар а кхоачашду «Ветеринариях долча» Российски Федераце Закона 19 статьяйца нийса.

Статья 2

Ер Закон низаца чIоагIденна болх бе долалу, ер официально кепатеха итт  ди чакхдаьннача дийнахьа денз.

ГIалгIай Республика

Мехкдаь декхараш кхоачашдер                                           Сластенин В.В. 

     г. Магас

2025 шера «5» ди оагIой бетта

№ 40-рз