«ГIалгIай Республике муниципальни служба къаьсттача дешаех долча» ГIалгIай Республика Закона  4 статье хувцам юкъебахьара хьакъехьа

ТIаийцад

  ГIалгIай Республика

Халкъа Гуллама                2025  шера лайчилла бетта 27 ди

Статья 1

«ГIалгIай Республике муниципальни служба къаьсттача дешаех долча» 2009 шера бекарга  бетта 10 дийнахьарча №13-РЗ йолча ГIалгIай Республика Закона (газет «ГIалгIайче», 2009 шера бекарга бетта 28 ди; газет «Сердало», 2010 шера саькура бетта  9 ди; газет «ГIалгIайче», 2011 шера лайчилла бетта 10 ди; 2012 шера ардара бетта 20 ди; Официальни бокъон хоама интернет-портал  (www.pravo.gov.ru), 2016 шера саькура бетта 8 ди, кIимарса бетта 4 ди; газет «ГIалгIайче», 2016 шера лайчилла бетта 29 ди; Официальни бокъон хоама интернет-портал  (www.pravo.gov.ru), 2017  шера ардара бетта 31 ди; 2020 шера оагIой бетта 30 ди) юкъехьо Iобелгалбаь хувцам 4 даькъаца тIатохар а деш:

«4. ЛаьрххIача тIема операце доакъашхошта увттаду цар профессиональни дешара боарама, муниципальни служба стажах е говзалах балха стажах,  кийчо яра наькъах муниципальни дарже отташ ца хилча даргдоаца дIадехараш:

1) муниципальни служба лакхехьарча даржий – лакхехьара профессиональни дешар, муниципальни служба стаж е говзалах балха стаж, кийчо яра наькъах шин шерал кIезигагIа йоацаш;

2) муниципальни служба керттерча даржий – лакхехьара профессиональни дешар, муниципальни служба стаж е говзалах балха стаж, кийчо яра наькъах цхьан шерал кIезигагIа йоацаш;

3) муниципальни служба ведущи даржий – лакхехьара профессиональни дешар, стажах дIадехараш а доацаш;

4) муниципальни служба доккхагIдолча даржий – лакхехьара профессиональни дешар, стажах дIадехараш а доацаш;

5) муниципальни служба зIамагIдолча даржий – юкъера профессиональни дешар, стажах дIадехараш а доацаш.».

Статья 2

Ер Закон низаца чIоагIденна болх бе долалу, ер официально кепатехача  дийнахьа денз.

ГIалгIай Республика

Мехкдаь декхараш кхоачашдер                                           Сластенин В.В. 

 г. Магас

2025 шера  «5» оагIой бетта 5 ди

 № 39-рз