«Недрайх   долча»  ГIалгIай  Рспублика  Закона  хувцамаш  юкъедахьара  хьакъехьа

ТIаийцад

ГIалгIай Республика

Халкъа Гуллама                               2025  шера лайчилла бетта 27 ди

Статья 1

«Недрайх долча» 2017 шера аьтинга бетта 5 дийнахьарча               №26-РЗ йолча ГIалгIай Рспублика Закона (Официальни бокъон хоама  интернет-портал  (www.pravo.gov.ru), 2017 шера аьтинга бетта 6  ди, оагIой бетта 7 ди; 2020 шера оагIой бетта 1 ди; интернет-газет «ГIалгIайче» (www.gazetaingush.ru), 2021 шера тушола бетта 4 ди; 2022 шера аьтинга бетта  3 ди, тов бетта 6 ди; 2023 шера тушола бетта 3 ди)   юкъехьо  Iобелгалдаь  хувцамаш:

1) 6  статьяй 1 даькъа 3 пункта тIатохар де дешашца «гражданаша шоашта эшарашта лаьрхIа сомий бешамаш е бешамаш лелаеча лаьттан доакъой доазонаш тIа»;

2) 7 статье:

а) 3 даькъе дешаш «геологически тохкам бар» дIадаха, дешаш «Российски Федераце  «Недрайх долча» Законаца нийса дIаденнача лоаман къоастамий а (е) геологически къоастамий доазонаш тIа» хувца дешашца «,  Российски Федераце «Недрайх долча» Законаца нийса дIаденнача недрай доакъой доазонаш тIа»;

б) 4 даькъа тIатохар де дешашца «Концессионни  барт барах долча» 2005 шера кIимарса бетта 21 дийнахьарча №115-ФЗ йолча Федеральни закона 4 статьяй 1 даькъа 1 пунктаца белгалъяьча объектий хьакъехьа концессионни барт бараш, «Российски Федераце  паччахьалкхен-частни цхьана къахьегарах долча, муниципально-частни цхьана къахьегарах долча а Российски Федераце цхьайолча законодательни акташта хувцамаш юкъедахьарах а долча» 2015 шера кIимарса бетта 13 дийнахьарча №224-ФЗ йолча Федеральни закона 7 статьяй 1 даькъа 1 пунктаца белгалъяча объектий хьакъехьа паччахьалкхен-частни цхьан къахьегарах барт бараш, муниципально-частни цхьан къахьегарах барт бараш»; 

3) 8 статьяй 2 пункта «ж» подпункта тIатохар де дешашца «, гражданаша шоашта эшарашта лаьрхIа сомий бешамаш е бешамаш  лелаеча лаьттан доакъой доазонаш тIа»;

4) 9 статьяй цхьоалагIча абзаце дешашта «а (е) бешамаш лелаяра коммерчески йоаца товариществош» тIехьа  тIатохар де дешашца «сомий беший лаьттан доакъой е бешамаш лелаеча лаьттан доакъой бокъо йола, гражданаша шоашта эшарашта лаьрхIа сомий бешамаш е бешамаш лелаеча лаьттан доакъой доазонаш тIа»; 

5) 12 статье:

а) 9 даькъа тIатохар де дешашца «, хIаьта моттигера лоархIам болча недрай доакъой хьакъехьа белгалъяь аукцион дIаяхьа 10 денал кIезигагIа йоаца ха  йисача»;

б) 12 даькъа тIатохар де Iобелгалбаь чулоацам болча предложенеца: «Аукциона чаккхенех недрайх пайда эцара бокъо лац, нагахьа санна Российски Федераце «Недрайх долча» Закона 14 статьяй 2 даькъе белгалъяь моттиг нийсъелча»;

6) 21 статье:

а) йиълагIа абзац Iобелгалъяьча редакце дIаязъе:

«Паччахьалкхен геологически тIахьожам (бIаргаIунал) хилийтар дIа-хьа нийсду «Российски Федераце паччахьалкхен а  муниципальни а тIахьожамах (бIаргаIуналах) долча» 2020 шера кIимарса бетта 31 дийнахьарча №248-ФЗ йолча Федеральни законаца, кхерамзле Iалашъяреи паччахьалкхе лораяреи йолча кхоачашдара Iаьдала федеральни органаша паччахьалкхен геологически тIахьожам (бIаргаIунал) хилийтар ца лаьрхIача.»;

б) тIатохар де Iобелгалбаь чулоацам болча пхелагIча абзацаца:

«Кхерамзле Iалашъяреи паччахьалкхе лораяреи йолча кхоачашдара Iаьдала федеральни органаша паччахьалкхен геологически тIахьожам (бIаргаIунал) кхоачашбар а дIабахьар а дIа-хьа нийсду белгалъяьча кхоачашдара федеральни Iаьдала органаша кепатехача боарама-бокъон акташца, недрайх пайда эцареи лорадареи даькъе паччахьалкхен политика а боарама-бокъон дIа-хьа нийсдара а кхоачашдареи вIашагIдохкареи декхараш кхоачашдеш йолча кхоачашдара  Iаьдала федеральни органашца барта а дихье.».

Статья 2  

Ер Закон низаца чIоагIденна болх бе долалу ер официально кепатехача  дийнахьа  денз.

ГIалгIай Республика

Мехкдаь декхараш кхоачашдер                                           Сластенин В.В. 

г. Магас

2025 шера «5» ди оагIой бетта

          № 38-рз