«ГIалгIай Республика муниципальни образованей доазонаш тIа гражданашка хоаттам барах аргIа оттаярахи дIабахьарахи долча» ГIалгIай Республика Закона  хувцамаш юкъедахьара хьакъехьа

ТIаийцад

  ГIалгIай Республика

Халкъа Гуллама                   2025  шера лайчилла бетта 27 ди

 Статья 1

«ГIалгIай Республика муниципальни образованей доазонаш тIа гражданашка хоаттам барах аргIа оттаярахи дIабахьарахи долча» 2017 шера оагIой бетта 29 дийнахьарча №70-РЗ йолча ГIалгIай Республика Закона (Официальни бокъон хоама интернет-портал  (www.pravo.gov.ru) 2017 шера оагIой бетта 29 ди; интернет-газет «ГIалгIайче» (www.gazetaingush.ru), 2023 шера лайчилла бетта 8 ди) юкъехьо Iобелгалдаь хувцамаш:

1) преамбуле дешаш «Российски Федераце моттигера шедоалдара оттадар вIаштIехьдаккхарах долча» Федеральни закона 31 статьяйца» хувца дешашца «Моттигера шедоалдара публични Iаьдала цаI йолча системах вIаштIехьдаккхарах долча» 2025 шера тушола бетта 20 дийнахьарча №33-ФЗ йолча Федеральни закона 46 статьяйца»;

2) 1 статьяй 1 дакъа Iобелгалъяьча редакце дIаязде:

«1. Гражданашка хоаттам бар (дIахо – хоаттам бар) дIабахьар могаду муниципальни образоване дерригача доазон тIа е цун доазон цхьан даькъ тIа моттигерча шедоалдара органаша а моттигерча шедоалдара органий даржашкарча наха а бахархой вахарца бувзам бола полномочеш кхоачашъяра юхьдуххьал бувзам болча дешаех соцамаш тIаэцача хана, иштта ГIалгIай Республика паччахьалкхен Iаьдала органаша, моттигерча шедоалдара органаша юкъара принципаш оттаяра дешаш дашхара хьакъехьа.»;

3) 2 статьяй 1 даькъе дешаш «муниципальни образоване уставаца  а (е)» дIадаха;

4) 3 статьяй 1 даькъе дешаш  «ялхайтта шу даьнна» хувца дешашца «барайтта шу даьнна»;

5) 4 статье:

а) 1 дакъа Iобелгалъяьча редакце дIаязде:

«1. Гражданашка хоаттам бар дIахьу лоIамах:

1) муниципальни образоване представительни органа, муниципальни образоване керте латтачун а е моттигерча администраце керте латтачун а;

2) ГIалгIай Республика паччахьалкхен Iаьдала органий;

3) муниципальни образоване бахархой е цун инициативни проект кхоачашъе белгалдаьча даькъе, – цу тайпара инициативни проект гражданаша хьаллацарах хетараш белгалдара.»;

б)  2 даькъа цхьоалагIча абзаце дешаш «1 даькъа 2 а 3 а пункташка» хувца дешашца «1 даькъе»;

в) 5 даькъе дешаш «муниципальни образоване уставаца а (е)» дIадаха;

6) 5 статье:

а) 1 даькъа цхьоалагIа предложени Iобелгалъяьча редакце дIаязъе:

«1. Гражданашка хоаттам барах бола соцам тIаэца безаш ба муниципальни образоване представительни органо гражданашка хоаттам барах йола инициатива дIаенна кхо бутт боалача ханачухь, 4 статьяй 1 даькъ тIа белгал ма дарра.»;

б) 2 а 3 а доакъош шоай низ дIабаьнна лархIа;

в) 4 даькъа цхьоалагIча абзаце дешаш «белгалду хоаттам бар  дIадахьара доазув а иштта» дIадаха;

г) 5 дакъа Iобелгалъяьча редакце дIаязде:

«5. Муниципальни образоване бахархошка хоам дIабе беза хоаттам дIабахьа 10 денал кIезигах йоаца ха йиссача уполномоченни органо е моттигера шедоалдара даржера саго, укх статьяй 4 даькъе белгалбаь соцам официально кепатохаш (нахала боаккхаш), муниципальни образоване  представительни органа боарама бокъон акташца белгалъяьча аргIанца нийса.».

Статья 2

Ер Закон низаца чIоагIденна болх бе долалу, ер официально кепатеха итт ди чакхдаьннача  дийнахьа денз.

ГIалгIай Республика

Мехкдаь декхараш кхоачашдер                                           Сластенин В.В. 

г. Магас

2025 шера  «5» ди оагIой бетта

 № 36-рз