«Гонахьара среда лорадарах долча» ГIалгIай Республика Закона  хувцамаш юкъедахьара хьакъехьа

ТIаийцад 

ГIалгIай Республика 

Халкъа Гуллама                                2026 шера саькура бетта 26 ди

Статья                    

«Гонахьара среда лорадарах  долча» 2009 шера аьтинга бетта 30 дийнахьарча №28-РЗ йолча ГIалгIай Республика Закона (газет «ГIалгIайче», 2009 шера кIимарса бетта  4 ди; 2013 шера лайчилла бетта 7 ди; 2014 шера лайчилла бетта 8 ди; 2015 шера тушола бетта 5 ди; Официальни бокъон хоама  интернет-портал(www.pravo.gov.ru), 2016 шера маьтсела бетта 6 ди; 2017 шера оагIой бетта 29 ди; 2018 шера аьтинга бетта 5 ди; интернет-газет «ГIалгIайче» (www.gazetaingush.ru), 2021 шера тушола бетта 4 ди; 2022 шера бекарга бетта  29 ди, ардара бетта 13 ди; 2023 шера лайчилла бетта 8 ди, оагIой бетта 29 ди; 2024 шера кIимарса бетта 9 ди)  юкъехьо Iобелгалдаь хувцамаш:

1) 3 керта цIи Iобелгалъяьча редакце дIаязъе:

«Корта 3. Гонахьара среда лорадеча даькъе гражданий, юкъарлен объединеней а кхыйолча паччахьалкхен йоацача коммерчески йоацача организацей а бокъонаши декхараши»;

2) 10 статьяй 2 даькъе:

а) 1 пункте дош «кхыяраш» хувца дешашца «кхыйола паччахьалкхен йоацараш»;

б) 3 пункта тIатохар де дешашца «, иштта гонахьарча средана Iоткъам бергхиларах мах хоадабеча юкъарлен дош дувцача дакъа лаца»;

3) 11 статье:

а) цIи Iобелгалъяьча редакце дIаязъе:

«Статья 11. Гонахьара среда лорадеча даькъе юкъарлен объединеней а кхыйолча паччахьалкхен йоацача коммерчески йоацача организацей а бокъонаши декхараши;

б) 1 даькъе:

цхьоалагIча  абзаце  дешашта «Юкъарлен  объединенеш а» тIехьа тIатохар де дешашца «кхыйола паччахьалкхен йоацараш»;

6 пункта тIатохар де дешашца «цу даькъе гонахьарча средана Iоткъам бергхиларах мах хоадабеча юкъарлен дош дувцача дакъа лаца»;

в) 2 даькъе дешашта «Юкъарлен  объединенеш а» тIехьа тIатохар де дешашца «кхыйола паччахьалкхен йоацараш»;

4) 12 статья Iобелгалъяьча редакце дIаязъе:

«Статья 12. Гонахьара среда лорадеча даькъе гражданий, юкъарлен объединеней а кхыйолча паччахьалкхен йоацача коммерчески йоацача организацей а бокъонаш лораяра кхоачо яр

1. Российски  Федераце паччахьалкхен Iаьдала органаш, ГIалгIай Республика паччахьалкхен Iаьдала органаш, моттигера шедоалдара органаши  даржашкара нахи  декхарийла ба  гражданий, юкъарлен  объединеней  а кхыйолча паччахьалкхен йоацача коммерчески йоацача организацей а бокъонаш лораяра кхоачо еш  га-лоадам бе.

2. Шоай боахама а кхыболча а къахьегама объекташ оттайича, гонахьарча средана зе дала тарлуш хилча цу хьакъехьа соцам тIаэц бахархошта хетачун а референдума чаккхен а терко еш. 

3. Гонахьара среда лорадеча даькъе гражданий, юкъарлен объединеней а кхыйолча паччахьалкхен йоацача, коммерчески йоацача организацей а бокъонаш лора ца яь даржашкара нах бехктокхаме увттабу Российски Федераце законодательствоца нийса.»;

5)  21 статья  Iобелгалъяьча редакце дIаязъе:

«Статья 21. Гонахьарча средана Iоткъам бара мах хоадабар

Оттабе лаьрхIача боахама а кхыболча а къахьегама гонахьарча средана юхьдуххьал е гадоахарг бе тарлуча Iоткъама мах хоадабу  Федеральни закона 32 статьяйца нийса.»;

6)  22 статья Iобелгалъяьча редакце дIаязъе:

«Статья 22. Экологически экспертиза

1. Экологически экспертиза дIахьу объект оттаяр кхоачашдара, экологически экспертиза объекта кхоачо еш оттабе лаьрхIача боахама а кхыбола къахьегам а белгалбеш, документаши (е) документаци гонахьара среда лорадара дIадехарашта нийса дий хьажара декхарашта, цу тайпарча кхахьегамах гонахьарча средана во Iоткъам ца хилийтара. 

2. Экологически экспертиза дIахьу «Экологически экспертизах долча» 1995 шера лайчилла бетта 23 дийнахьарча №174-ФЗ йолча Федеральни  законаца нийса.».

Статья 2 

Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика

Мехкда                                                    Келаматнаькъан М.М.

г. Магас

2026 шера «13» ди тушола бетта

 № 10-рз